Заңсыз жолаушылар тасымалына қарсы рейдтік шара жүргізілуде

Түркістан облысы Сарыағаш ауданында Түркістан облыстық жолаушылар көлігі және автомобиль жолдары басқармасының ұйытқы болуымен заңсыз жолаушылар тасымалына қарсы рейдтік шара жүруде. Қоғамда орын алып жатқан жол апаттарының алдын алу мақсатында ұйымдастырылып жатқан шара барысында заңсыз жолаушы тасымалдаушыларды анықтап, құжаттары тексерілуде.

Нақтырақ айтсақ, Түркістан облысы жолаушылар көлігі және автомобиль жолдары  басқармасы тарапынан жолаушы тасымалдауға тұрақты бағыттар бойынша берілетін КУӘЛІК, автовокзал тарапынан берілетін жолдама, яғни меxаник пен дәрігердің мөрі басылған құжат және жүру кестесі. Тағы басқа тиісті құжаттар да жол партульдік полициясының тексерісінен өтті. Заң бұзушылық орын алған жағдайда 5 айлық көрсеткіштегі айыппұл салынады. Облыстық рейд кезінде тоқтатылып жатқан көлік жүргізушілерінің көбісі құжат мәселесімен айыппұл төлеуге мәжбүр.
Айта кетейік, Сарыағаш ауданында 4 заңды автобекет бар. Ал, Сарыағаш ауданындағы Республикалық маңызы бар және «Жібек жолы» кеден бекетінде өткен рейд кезінде 15 қоғамдық көлік тоқтатылды. Оның ішінде 4-іне әкімшілік құқық бұзушылық бойынша әкімшілік xаттамалар толтырылды. Алдағы уақытта облыстың өзге аудандарында дәл осылай рейдтік шаралар жүргізілетін болады.

«Айғақ-ақпарат»