27 жасында 7 баланың анасы атанған түркістандық Жазира Тұрғынова, күні кеше Елбасы алдында сөз алды. «Тәуелсіздік ұрпақтары» Жастар жалының ашылуына қатысқан батыр ана өз сөзінде қыз келіншектерді халық санын ұлғайтуға шақырды. Астана төрінде, емен жарқын өз пікірін білдірген Жазираны Президентіміз Н.Назарбаев жастарға үлгі етті. Осы орайда, маңызды кездесуден оралған, жерлесімізді Шымкент темір жол вокзалынан қарсы алып, жиынан алған әсерімен бөлістік. 
Жазира Тұрғынова 17 жасында Төлеби ауданы Ұзынарық ауылынан өз махаббатын кезіктіріп, сол ауылдың өзімен қатарлас азаматына 2007 жылы тұрмысқа шыққан. Ол кезде, отағасы 19 ал, Жазира 17 жаста еді. Тұңғышын 18 жасында босанған Жазираның қазіргі таңда үлкені 11-де , ал кішісі Алихан 7 айлық. Әр баламның мен үшін орны ерек деген жаста әрі батыр ана, Елбасымыздың алдын сөз алғанына бақытты. 
Жазира Тұрғынова көпке үлгі болатын ана. Өйткені, 27 жасында 3 қыз 4 ұлды өмірге алып келу ол нағыз батырлық. Дана қазақ айтқан «Бір қозы дүниеге келсе, бір түп жусан артық шығады» дегендей, әр балам өз несібесімен, дейді. Бүгінде жанұялық тұрмысы жақсы, жұбайы кәсіпкер.
Ұлдархан Уәлиханқызы.
