Қазақстан президенті Нұрсұлтан Назарбаев бала асырап алу жөніндегі ұлттық агенттік құру туралы хаттама-тапсырмаға қол қойды, деп мәлімдеді қазақстандық бизнесмен, «Ана үйі» қоғамдық қорының құрылтайшысы Айдын Рахымбаев.
Оның ақпарынша, агенттік «Ана Үйі» қоғамдық қорының базасында құрылады.
«Бұл мәселені екі жылдан бері шеше алмай келдік. Оған түрлі деңгейдегі мемшенеуніктердің көзін жеткізуге тырыстық, бірақ тек мемлекет басшысы араласқаннан кейін ғана мәселе шешімін тапты.. (…) Білім министрлігінің бір ғана қалауы аз болды, мұны келісу күрделі процесс болып шықты. Түрлі министрлік пен әкімдіктердегі бала асырап алу қызметі мен өкілеттігі агенттікке беріледі, және енді бала асырап алу процесімен қатар, бүкіл елдегі балалар үйін ауыстыру процесі де жеделдейді», — деп жазды Facebook-тегі парақшасында А.Рахымбаев.
Оның пікірінше, балалар үйінің қолданыстағы жүйесі ескірді және балалардың қалыпты дамуына сәйкес келмейді.
«Бүгінгі таңда біздің жобаның командасы 949 балаға отбасы табуға көмектесті! Бірақ Қазақстанда әлі 122 меммекеме бар, оларда 5337 бала тәрбиеленіп жатыр. Алда жұмыс өте көп, енді бізге жоғары статус пен өкілеттік беріп қойды, бұл елде бала асырап алу процесін жеделдетеді, және нәтижесінде көптеген балалар үйі жабылады», — деп атап өтті бизнесмен.
