— «Елбасы жолы – Астана» еліміздің тұғыры биік мерекесі Тәуелсіздік күніне орай тұсау кесілген отандық фильм көрерменге жол тартты. Ұлт Көшбасшысының елдің еңсесін тіктеп , мәртебесін көтерудегі дара жолын баяндайтын фильм 27 жыл ішіндегі 27 белестің бейнесін шеберлікпен жеткізеді. Еліміздің жүрегі –Астананың бой тіктеуі Тәуелсіз елдің тағдырымен үндесіп, Мемлекет басшысының сенімі мен табандылығы арқасында Қазақстан қарыштап даму жолына қадам басады. Отандық фильмді алғашқы тамашалаушылардың қатарында Шымкент қаласының әкімі Ғабидолла Әбдірахымов та болды.
— «Елбасы жолы – Астана» Отанға деген шынайы сүйіспеншілік пен патриоттық жігер қазақ елін дара жолмен тура бағытқа жетелейді. Армандардың орындалатынын және Елбасының кез келген адам біле бермейтін өзге де қырын шеберлікпен сомдаған фильм Ордабасылық тұрғындардың да жүрегінен ерекше орын алды.
-Түркістан облысы бойынша мемлекеттік кірістер департаментінің басшылығы ағымдағы жылдың 11 айында атқарылған жұмыстар барысы бойынша баспасөз жиынын өткізді. Сала мамандарының айтуынша мемлекеттік бюджет жоспары 121,7 млрд тенге болса, нақты 128,9 млрд тенге өндіріліп, жоспар 106 пайызға орындалған. Сонымен бірге департаменттің кеден бекеттерімен жыл басынан бері 14 мың 539 тауарларға арналған декларация рәсімделіп бұл көрсеткіш сәйкес мерзіммен салыстырғанда 38 пайызға өскен.
— Шымкент қаласының аудандарында балалар алаңшаларының саны артуда. Күні кеше мегаполис мэрі Тәуелсіздік күніне орай қос бірдей алаңшаның лентасын қиды. Абай және Қаратау аудандарында ашылған балалар және спорт алаңшаларын қала әкімі тұрғындарға табыстап, күтіп ұстайды деген сенімін білдірді. Пайдаланылуға берілген алаңшалар әр ауданның экономикасын дамытуға бөлінген 300 млн. есебінен салынған.
— Түркістан облысында ішкі туризмді дамыту мақсатында «Тұран-Экспресс» ЖШС көліктік компаниясы мен облыстық жолаушылар көлігі және автомобиль жолдары, туризм және сыртқы байланыстар, сондай-ақ ішкі саясат басқармаларының ұйымдастыруымен өзара ынтымақтастық туралы меморандумға қол қойылған болатын. Осыған байланысты «Тұран Экспресс» теміржол тасымалдаушы вагондары тіркеліп Алматы қаласынан Түркістан қаласына туристік поезд алғаш рет келді. Алдағы уақытта бұл поезд әр жұма-жексенбі аралығында жүргізу жоспарлануда. Ал алғаш рет келген туристік поездің жолаушылары екі күннің ішінде Түркістан облысының көрікті жерлерін аралайды. Ақпараттық тур Отырар, Сауран қалашықтарына және Әзірет-Сұлтан мемлекеттік тарихи-мәдени қорық мұражайымен танысуды жоспарлаған.
— Тұғырлы тәуелсіздік мерекесін Отырар ауданындағы білім ордалары кең көлемде атап өтті. Соның бірі Ш.Қалдаяқов атындағы мектеп-гиназиясының 122 шәкірті жасұлан, жасқыран қоғамдық ұйымына мүшелікке қабылданды. Ал, Темір жалпы орта мектебінің талантты оқушылары патриоттық әндер мен ұлттық өнерімізді насихаттап көпшіліктің қошеметіне ие болды. Білім ордаларында өткен салтанатты шараға аудан әкімі Ерлан Айтахановта қатысып өзінің ізгі ниетін жеткізді.
— Тәуелсіздік күні «Қалалық перинаталды орталықта» 16 нәресте дүние есігін ашты. Олардың алтауы қыз, оны ұл бала. Дәрігерлер ерекше сәйкестікті жақсылықтің белгісі дейді.
— Қазақ үшін қастерлі тәуелсіздік мерекесіне орай, кең көлемде қалааралық семинар өтті. Мақсат бастауыш сынып оқушыларына білім беру сапасын арттыруда, ұстаздардың біліктілігін жетілдіру. Аталмыш семинар сабаққа қала және аудан аумағында орналасқан мектеп мұғалімдері қатысты.
— Ұлтымыз үшін ең қадірлі болған Тәуелсіздік мерекесін Түркістан облысы кең көлемде атап өтуде. Соның бірі – Шымкент қаласының «Құрметті азаматы» Мұсахан Сүлейменовті еске алуға арналған бокстан халықаралық турнир ұйымдастырылды. Тартысты додаға көршілес жатқан Өзбекстан мен Тәжікстан мемлекеттерінен арнайы спортшылар шақыртылған.
— «Мәңгілік елдің Елордасы» осы тақырыпта «Шымкент медресе» колледжінің қабырғасында ғылыми конференция болып өтті. Астана қаласының 20 жылдығына орай өткен іс-шараға қала мен аудандарда орналасқан колледж мұғалімдері қатысты.
— Еліміздің әрбір қаласында болуы тиіс «Мәңгілік ел» саябағы, енді Арыс қаласында да бар. Толығымен абаттардырылған саябақ тұрғындарға Егемендік мерекесі қарсаңында тарту етілді. Сондай-ақ, аталған демалыс орнының дәл жанынан «Құрметті азаматтар» аллеясы да қоса бой көтерген. Лентасы қиылған жаңа саябақтар қаланың көрікті жерлерінің санын арттыра түсті.
