— Еліміздің жоғары наградалармен марапатталғандардың бірі Жамбыл облысының әкімі Асқар Мырзахметов. Тәуелсіздік күніне орай Астана қаласында өткен салтанатты шарада Жамбыл облысының әкімі Асқар Мырзахметов жоғары Мемлекеттік награда «Парасат» орденінің иегері атанды. Бұл марапатты Елбасымыз Нұрсұлтан Әбішұлы Назарбаевтың өзі тапсырды. Асқар Исабекұлы Жамбыл облысына басшы болып келген он бір айдың ішінде ауыз толтырып айтарлықтай көптеген жұмыстар атқарылды. Баянды шаруалар мен толағай тірліктер атқарып жатқан Асқар Исабекұлына кемелді келешекке қарышты қадам басқан Отанымыздың алдында ауқымды жұмыстар атқара беріңіз. Елімізді дамыту мен жетілдіру ісіне көп жылдар бойы аянбай еңбек етіп келген еселі еңбегіңіз елене түссін демекпіз!
Жамалбек Шәріпбек Жамалбекұлы Түркістан облыстық «Азаматтық альянсы» қауымдастығының президенті. «Құрмет» орденінің иегері. Бәйдібек, Мақтаарал аудандарының, Шымкент қаласының, Оңтүстік Қазақстан облысының «Құрметті азаматы».
Әбішов Нұралы Әлмаханұлы — «Бөрте Милка» ЖШС-ның директоры. Бүгінде еліміздің экономикасының дамуына үлкен үлес қосып келеді. Еселі еңбектері үшін «Құрмет» орденімен наградталған. Түркістан облыстық мәслихатының қос бірдей депутаты мереке қарсаңында «Парасат» орденімен наградталып отыр.
— Күні кеше, Шымкент қаласының әкімі Ғабидолла Әбдірахмов Қазақстан Респуликасы Үкіметінің «Дарын» мемлекеттік жастар сыйлығының иегерлерімен кездесті. Яғни, бұл марапатқа ие болғандар, «Айғақ» телеарнасының бас редакторы Салтанат Тойболова, айтыскер ақын Біржан Байтуов, Ы.Алтынсарин атындағы №65 мектеп -гимназиясының мұғалімі, сонымен қатар, Қазақстан Респуликасының спорт шебері, әлем чемпионы Қайрат Ералиевпен жүздесіп, қала абыройын көтерген жастарға құрмет көрсетті. Бұлда бір қаланың нағыз жетістігі деп білеміз.
Тәуелсіздік мерекесі қарсаңында Төлеби аудынында бір қатар игі істердің тұсауы кесілді. Нақтырақ айтқанда әр қайсысының құны 30 млн. тенгені құрайтын 4 бірдей заманауи үлгідегі модульдік медициналық пунктер ашылды. Сонымен қатар, қаншама жылдан бері ауыз су тапшылығын көрген Ленгер қаласы Зағамбар ауылының тұрғындары айтулы мереке қарсаңында таза суға қол жеткізді.
Арыс қаласында 16 желтоқсан Тәуелсіздік күніне орай 16 жаңа нысан ашылды. Солардың бірі тұрғындарға қуаныш сыйлаған 36 пәтерлік 3 тұрғын үй болды. 108 отбасыға арналған пәтерлердің кілтін қала Мұрат Қадырбаевтың өзі табыстады. Сондай-ақ, дәл осы Көктем-2 мөлтек ауданында салынған спорт алыңшасы да пайдаланылуға беріліп отыр.
Биыл егемен еліміздің еңсе тіктеп Тәуелсіз Ел болғанына 27 жыл толып отыр. Осыған орай, Сарыағаш аудандық орталық ауруханасы ұжымының ұйымдастыруымен аудандық мәдениет үйінде Тәуелсіздік күніне арналған мерекелік іс шара өтті. Яғни, 190 мыңнан астам тұрғынға қызмет көрсететін денсаулық сақтау мекемесі бірнеше бөлімнен тұрса, аурухана құрамына 1 емхана, 6 ауылдық аурухана 14 дәрігерлік амбулатория қарайды. Міне, осы мекемелерде еңбек етіп келе жатқан медицина қызметкерлерінің басын қосқан шара барысында еселі еңбектерімен көзге түскен бір топ ақ халатты абзал жандар марапат төрінен көрінді.
Арыс қалалық білім бөліміне қарасты «Арыс бастауыш мектебі» 250 балаға шақталған. Бүгінде жергілікті жерде 4-ші сыныпқа дейінгі балалардың көптігіне байланысты 450-ге жуық бүлдіршін білім алуда. Мектепте шәкірттерді отан сүйгіштікке баулу мақсатында түрлі үйірме сыныптар да қарастырылған.
Түркістан облысының орталығы киелі Түркістан қаласы – тегі бір, тарихы ортақ түркі елдерінің түп қазығы. Осы орайда көне шаһар жыл санап көркейіп келеді. Яғни, қаланының тазалығы мен абаттандыру жұмыстарына басымдық беріліп көпшілік демалыс орындарына арналған аллеялар мен саябақтар қайта құрылымдаудан өткен. Сонымен бірге, Түркістанды жасыл желекке айналдырыру бағытында шаһар аумағына тек биылғы жылдың өзінде 40 мың түпке жуық ағаш көшеттері отырғызылса, қала әкімінің тапсырмасы негізіндегі ауқымды жұмыстарды «Түркістан жарық тазалық» мекемесі атқаруда.
16 желтоқсан Тәуелсіздік күніне орай Шымкент қаласында мерекелік іс-шаралар легі жалғасуда. Түркістан жоғарғы агроколледжі оқу орны қабырғасында арнайы жиын өткізді. Онда, колледж басшылығы жыл бойы жасалған жұмыстарды қортындылап, үздік атанған мұғалімдерді грамоталармен марапаттады. Сонымен қатар, ауыл шаруашылығы саласының дамуына елеулі үлес қосқан профессор, колледждегі ардагер ұстаз Қойшыбек Сұлтановтың есіміне берілген кабинеттің лентасы қиылды.
Арыс қалалық білім бөліміне қарасты «Арыс бастауыш мектебі» 250 балаға шақталған. Бүгінде жергілікті жерде 4-ші сыныпқа дейінгі балалардың көптігіне байланысты 450-ге жуық бүлдіршін білім алуда. Мектепте шәкірттерді отан сүйгіштікке баулу мақсатында түрлі үйірме сыныптар да қарастырылған.
