Жамбыл облысында жергілікті жолдардың көбісінің сапасы сын көтереді дейді мамандар. 2022 жылға қарай бұл көрсеткішті 90 пайызға жеткізу көзделіп отыр.
Бұл мақсатта облыста жолдардың сапасын жақсартудың 3 жылдық картасы да әзірленген. Биыл жөндеу жұмыстарына 12 миллиард теңге бөлініп, 400 шақырым жол мен көпірлер қайта жаңартылды. Өңірішілік жолдарды жөндеуге ҚР инвестициялар және даму министрлігінің қолдауымен республикалық бюджеттен паритетті негізде қаржы бөлініп, 7 жоба іске асырылды. Сондай-ақ, 2019 жылға дейін аудандарында 7 автобекет ашу жоспарланса, бүгінге дейін оның төртеуі бой көтерген.
Бақытжан Жәнібеков, Жамбыл облыстық жолаушылар көлігі және автомобиль жолдары басқармасының басшысы:
— Бүгінгі республика бойынша жергілікті маңызы бар жолдардың жақсы және қанағаттанарлық жағдайы 2022 жылға дейін қойылатын межесі 90 пайызды құрап отыр. Сол межеге біз 2022 жылға дейін жоспарымыз бар, 2 жоба бойынша жаңарту жұмыстары, жаңа жол құрылыстары одан кейін орта жөндеу жұмыстары атқарылмақ.
Дерекөз: 24.kz.
