— 6 желтоқсан күні Нұрсұлтан Назарбаев Жоғары Еуразия экономикалық кеңесінің отырысына және ТМД мемлекеттері басшыларының бейресми саммитіне қатысу үшін Санкт-Петербург қаласына іс-сапармен барды.
— 6 желтоқсан күні «Қазақстан ұлттық арнасы» және «Қазақстан» баспасөз клубының ұйымдастыруымен «Қазақ интернетінде контент жасаушылардың ІІІ форумы» Астана төрінде өтті. Форум ҚР Ақпарат және коммуникациялар министрі Дәурен Абаевтың алғы сөзінен бастау алды. Ол өз сөзінде бүгінде электрондық нұсқадағы қазақ тілді аудиторияға арналған сайттар мен әлеуметтік желілер күннен күнге көбейіп келе жатқандығын, бұл өз кезегінде қазақ тілінің мәртебесін көтеретіндігін айтып өтті. Сондай-ақ, Елбасының «Болашаққа бағдар:рухани жаңғыру» және «Ұлы даланың жеті қыры» атты бағдарламалық мақалаларын насихаттауда қосып отырған қомақты үлесі үшін алғысын білдірді. Айта кетейік, форум төрт бөлімнен тұрады. Басқосу, контент, басқарудың заманауи технологиялары, «Ақылды журналистика: шынайылықтың медиалануы, хайп-мәдениет феномені және келешек трендтерге шолу» тақырыптары. Соның бірі «Ақылды журналистика: шынайылықтың медиалануы» Мұнда веб-аналитика құралдары қолдану тәсілдері, «Chartbeat» сервисінің тұсаукесері, технологиялар, құралдар және монетизациялау үлгілері, дәстүрлі басқару жүйелеріне балама, қажетті тапсырмаларды орындау үшін пайдаланатын құралдар мен өңдеу әдістері, Big Data және автоматтандырылған журналистика, жаңалықтар саласында жасанды интеллектіні қолдану тақырыптары тереңірек қозғалып жақсы пікірталасқа ұласты. Яғни, бүгінде аудиторияның бағындыруда дұрыс әрі сапалы контент құрып, сол арқылы бәсекелестікке төтеп беру сөз болды.
— Түркістан облысының әкімі Жансейіт Түймебаев «High Vill Kazakhstan» ЖШС-нің Бас директоры Канг Джон Дэмен кездесті. Басқосуда тараптар облыс орталығында тұрғын үй кешенін салу мәселесін талқылады. Кездесуде аймақ басшысы Түркістан қаласының дамуы Елбасының ерекше назарында екенін және мұнда құрылыс жұмыстарымен айналысатын мердігер компанияларға әкімдік тарапынан барынша қолдау көрсетілетінін айтты. Өз кезегінде Канг Джон Дэ тұрғын үй кешенін салу үшін жер учаскесі анықталса, құрылысты бастап кетуге дайын екенін жеткізді. «Біз 5-10 гектар аумаққа жаңа заманауи кешен салуды жоспарлап отырмыз. Бұл жоба облыс орталығының жаңа келбетіне көрік беретін болады. Жуық арада барлық құжаттаманы әзірлеп, құрылыс жұмыстарына кірісеміз»,- деді «High Vill Kazakhstan» ЖШС-нің Бас директоры.
— Сондай-ақ, бүгін Қазақстан Республикасы прокуратура органдарының құрылған күні. Қазақстан Республикасының мемлекеттік Егемендігі туралы Декларациясына сәйкес Қазақ КСР-ның Жоғары Кеңесінің 6 желтоқсан 1991 жылы қаулысымен еліміздің тәуелсіз прокуратура органдары құрылған болатын. Осыған байланысты Қазақстан Республикасы Бас Прокурорының 25 ақпан 2004 жылғы бұйрығымен 6 желтоқсан Қазақстан Республикасы прокуратура органдарының құрылған күні ретінде жарияланып, жыл сайын атап өту белгіленген.
— «Айғақ» телеарнасының шығармашылық ұжымы Ресей Федерациясының құрамындағы қазақтың тұңғыш астанасы Орынбор қаласында іс-сапармен болды. Тарихи астанада түсірілім жұмыстарын жүргізудің негізгі мақсаты – Орынбор шаһары туралы және онда білім алған алаштың қайраткерлерлері жөнінде деректі фильм түсіру. Ізденістен талмаған ұжым қызықты ақпараттарға кезікті. Соның бірі — күй атасы Құрманғазының «Балбырауын» күйінің шығу тарихы.
— Түркістан облыстық сот судьялары баспасөз мәслихатын өткізді. Аймақтың тілшілері басқосқан жиында «Сот төрелігінің 7 түйіні» бағдарламасы аясындағы Пилоттық жобаларды халыққа кеңінен түсіндірді. Сонмен қатар, халықтың сотқа дегенім сенімін арттыруды көздейді. Жоғарғы сот енгізген пилоттық жоба 2019 жылы барлық өңірде толығымен іске қосылатын болады.
— Шымкент қаласында, «Нұр Отан» партиясы филиалы жанындағы «Мирас» қоғамдық кеңесінің мәжілісі болып өтті. Онда, Елбасымыздың «Ұлы даланың жеті қыры» мақаласында көрсетілген тың жобалар кеңінен айтылып, талқыға түсті. Тарихымыз бен дәстүрімізді тағы бір ресми турде парақтаған жиынға, Түркістан облысындағы белді оқу орындарының тәлімгерлерімен бірге бірқатар зиялы қауым өкілдері қатысып, баяндама тізді.
— Елбасы 5 қазандағы халыққа арнаған жолдауында «Мектепке дейінгі білім беру сапасын түбегейлі жақсарту керек» — деп тапсырған болатын. Қазақсанда жалпы 458 155 балабақша бар. Ал Ордабасы ауданындағы «Шырайлым» балабақшасы сапа жағынан Қазақстан бойынша алпыс үшінші күміс орынды иемденіпті.
— Арыс қалалық білім бөліміне қарасты №3 Қызылкөпір жалпы орта мектебінде 170-ке жуық бала білім алуда . 4 ай бұрын жүйелі түрде жұмысын бастаған оқу ордасы біршама жетістіктерге жетіп отыр. Яғни балалардың сапалы білім алуы үшін жаңадан IT, лингафон сыныптары ашылып оқушыларда білім биігінен көріне бастады.
— Түлкібас ауданында орналасқан, «Шамшырақ» қоғамдық-саяси газетінің жанынан жаңа баспахана ашылды. Жаңа орталықтың салтанатты ашылу рәсіміне аудан әкімі Нұрбол Тұрашбеков және журналистика саласында қалам тербеп жүрген әріптестер қатысты. Салтанатты жиынға қатысқан қонақтар, аудандық жерде алғаш рет ашылған баспахананың жұмысымен танысып, өзіндік бағасын берді.
— «Мамандықтар бойынша жаңа білім беру бағдарламаларын ендіру». Аталған тақырып аясында Түркістан жоғары аграрлық колледжінде «Кәсіпқор» Холдингтің» ұйымдастыруымен семинар өтуде. Кездесуге Түркістан облыстық білім басқармасының өкілдері және өзгке қалаларданда педагог мамандар келіп пікір алмасты.
— Шымкент қаласында орналасқан №3 балалар үйі жуырда құрылымдық өзгерістерге байланысты қалалық отбасы, балалар және жастар істері жөніндегі басқармасының қарауына өтті. Бүгінгі таңда жетім және ата-ана қамқорлығынсыз қалған 60 бала тәрбиеленіп жатқан мекеменің басты мақсаты жасөспірімдерге сапалы білім және саналы тәрбие беру болып табылады. Міне осы мақсатты жүзеге асыру бағытында жүйелі жұмыс жасап келе жатқан мекеме тәрбиеленушілерінің жеткен жетістіктері де аз емес.
