2020 жылға қарай Шымкентте балалар ойын-сауық саябағы мен аквапаркі салынбақ, деп хабарлады қала әкімі Ғабидулла Әбдірахымов.
«Біз шымкенттік «Диснейленд» пен аквапарк жасау жобасына кірістік. Мен ондай үлкен аквапракті тек Шымкентте ғана салуға болады деп ойлаймын, Себебі бізде ғана ешқандай шетелге шықпай-ақ үш-төрт ай бойы суға еркін түсуге болады. Біз бұл жобаны қазір Happylon компаниясымен бірге бастадық, ол «Хэппиленд» деп аталатын болады. Мерзімі – 2020 жылға жоспарлап отырмыз», — деді Ғ.Әбдірахымов сейсенбіде орталық коммуникация қызметінің брифингінде.
Оның айтуынша, ойын-сауық паркінде кішкентай кіретін есігі бар хоббиттерге арналған қонақ үй болады, оның іші шағын бөлмелерге бөлінген.
Ол мәлімдегендей, балаларға арналған ойын-сауық орны Бадам су қоймасы аумағында орналасады.
«Бадам су қоймасы. Біз ол орналасатын бірнеше нүктені қарап шықтық. Инвесторлар оны Төле би ауданына шығар жолда орналастырған барынша қолайлы деп тапты. Ол жерде таулар бар және көрінісі де әдемі. Жалпы алдын-ала болжам бойынша ол жерге салуға болады. Сонымен қатар, ол жерде біздің қазақстандық және шетелдік гольфты жақсы көретіндер үшін гольф-орталық та болуы мүмкін», — деп мәлімдеді әкім.
ҚазТАГ.
