Тұрғын үй-коммуналдық шаруашылығына жаңа цифрлық теxнологиялар енгізіледі.
Осылайша мамандар коммуналдық шығындарды азайтпақ. Бүгін осы жобаға жауапты мемлекеттік және жергілікті атқарушы органдар мен IT-компаниялар Астанада бас қосып, мәселені жан-жақты талқылап жатыр.
Тұрғын үй-коммуналдық шаруашылығында қолдануға болатын инновациялық теxнологиялар көрмеде қойылған. Отандық ІТ-компаниялар өздерінің инновациялық шешімдерін ұсынып отыр. Осы орайда «бұл теxнологиялардың тиімділігі қандай?» деген заңды сауал туындайды. Зерттеулерге сүйенсек, тек «ақылды» есептегіштерді орнату арқылы 2 бөлмелі пәтерде жылу төлемін 36% төмендете аламыз. Яғни айтарлықтай үнемдеуге болады. Осындай тың теxнологиялар қойылған көрмені ҚР Премьер-Министрінің орынбасары А.Жұмағалиев аралап көрді. Ол өз сөзінде есептегіш құрылғыларын өндіретін отандық компанияларды қолдау керектігін атап өтті. Қазір мамандар осындай қондырғылардың көмегімен саланы цифрландыру мәселесін талқылап жатыр. Айтып қана қоймай, қолға алынған жобалар да баршылық. Мәселен, аймақтарда «Е-шаңырақ» пилоттық жобасы іске қосылған болатын. Кез келген тұрғын сол порталға кіріп, өзі тұратын үйдің теxникалық сипаттамасын көрсе болады.
Дереккөз: 24.kz.
