Бүгін Шымкент қалалық мәслихатының кезектен тыс сессиясы өтті. Сессияда бірқатар мәселелер қаралды. Соның ішінде, Шымкент қалалық мәслихатының бұрынғы хатшысы Нұрлан Бекназаровтың ҚР Парламенті Сенатының депутаттығына сайлануына байланысты қалалық мәслихат хатшысын сайлау өткізу мәселесі қаралды. 
Осы мәселе бойынша мәслиахт депутаты Төлеген Бекайдаров Ғани Ташқараевтың кандидатурасын мәслихат хатшысы лауазымына сайлауды ұсынды. 
Шымкент қалалық мәслихатының депутаттары Т.Бекайдаровтың ұсынысын қолдап, бірауыздан өздерінің әріптесі, депутат, әкімшілік-аумақтық құрылым мәселелері жөніндегі тұрақты комиссияның төрағасы Ғани Ташқараевты мәслихат хатшысы етіп сайлады.
Анықтама:
Ғани Әбдіғаниұлы Ташқараев 1968 жылы 29 тамызда Шымкент қаласында дүниеге келді.
1985 жылы Қазақ химия-технологиялық институтына түсіп, бірінші курсын аяқтағаннан кейін Совет Армиясы қатарына шақырылды.
1988 жылдан бастап Қазақ химия-технологиялық институтында оқуын жалғастырып, 1991 жылы «инженер-құрылысшы» мамандығы бойынша тәмәмдады.
1994 жылы ҚР МКРСИ -де білім алып, бағалы қағаздар нарқында делдалды операцияларды жүргізу құқығына иелік лицензиясын алды.
1995 жылы Бағалы қағаздар нарқында іс жүргізетін жұмысшыларды дайындау курсында дәріс алып, делдалдық және дилерлік жұмыстарды жүргізуге Бірінші категориялы кәсіптік куәлігіні алды.
1997 – 2000 жылдары Қазақ Мемлекеттік Заң академиясын Заңгер мамандығы бойынша аяқтады.
Өзінің білімін және тәжірибесін дамыту мақсатында 2003-2005 жылдары РФ Президенті жанындағы Халық шаруашылығы академиясынан «Іскерлік басқару шебері» біліктілігін игерді. Көп ұзамай 2005-2009 жылдары аталмыш академиядан «Іскерлік басқарудың PhD бағдарламасы бойынша докторы» дәрежесін алды.
Еңбек жолын 1988 жылы «Тәуба» фирмасының коммерциялық мәселелері жөніндегі директоры болып бастады.
1993-1999 жылдары «Оңтүстік» компаниясының инженері, ал 1994 жылдан осы күнге дейін «Мұнай Инвестмент Груп» Акционерлік қоғамының басқарма төрағасы болып қызмет атқарып келеді.
2007 жылдан бастап, бүгінгі таңға дейін Шымкент қалалық мәслихатының депутаты, депутаттық өкілеттілік, этика, әкімшілік-аумақтық құрылым мәселелері жөніндегі тұрақты комиссияның төрағасы. «НұрОтан» партиясының мүшесі.
Отбасылық жағдайы: отбасылы, 4 баланың әкесі
«Айғақ-ақпарат».
