«Айғақ»: Елбасының үшінші мегаполис басшысына берген тапсырмалары

Мемлекет басшысы Шымкентте мегаполистің əлеуметтік-экономикалық дамуының қорытындысы бойынша жиын өткізіп, қала әкіміне  мегаполис дамуының басты бағыттарын айқындап, бірқатар тапсырмалар берді.

Атап айтқанда:

Шымкент Астана мен Алматы қалалары сияқты өзінің даму моделін өзгертіп, қаланың одан әрі даму стратегиясын айқындауды;

Шымкент Орталық Азияның мықты экономикалық орталығына, тұрғындары мен қонақтары үшін қолайлы жағдай жасалған үлкен әрі тартымды мегаполиске айналдыруды;

Қаланы дамытудың жаңа стратегиясы осы өңірде ірі өнеркәсіптік, инновациялық, туристік, сауда және логистикалық орталық қалыптастыруға бағыттауды;

Қалада шағын және орта бизнеске қолдау көрсетудің, сондай-ақ жеңіл өнеркәсіп, құрылыс, фармацевтика және медициналық қызмет көрсету саласындағы кластерлер мен кәсіпорындарды дамытуды;

Қаланың жоғары оқу орындарындағы білім сапасын арттырып, Назарбаев Университетінің және Инновациялық технологиялар паркінің үлгісімен заманауи инновациялық орталықтар құруды;

Мегаполистің туристік әлеуетін өркендету үшін қаланың халықаралық байланыстарын нығайтуды;

Ресей Федерациясымен бірлесіп өткізілетін өңіраралық форумдар сияқты Өзбекстанмен де осындай іс-шараларды жоспарлап, тұжырымдамасын пысықтауды;

Үкімет қала әкімдігімен бірлесіп, Шымкентте халықаралық деңгейдегі іс-шараларды өткізу жоспарын әзірлеуді;

Қаланы «ақылды технологияларды» қолдану арқылы концептуалды түрде дамыту мәселесіне ерекше назар аударуды;

Қаладағы  ретсіз құрылысты тоқтату және бір қабатты үйлердің құрылысын азайтуды;

Тозығы жеткен ескі үйлерді бұзып, босаған жерлерді тиімді пайдаланып, орнына заманауи саябақтар, спорт алаңдарын, көп қабатты тұрғын үй кешендерін, бизнес орталықтарын салуды;

Қалада әлеуметтік инфрақұрылым, соның ішінде балабақшалар мен мектептер, медициналық мекемелер мен тұрғын үйлер салуды және осыған орай, мемлекеттік-жекеменшік әріптестік тетігін пайдаланып, «7-20-25» бағдарламасы бойынша кең көлемде түсіндіру жұмыстарын жүргізуді тапсырды.

Дайындаған: Айдар Дидар