Шығыс Қазақстан облысындағы Шемонайxа ауданында 45 мың халық бар. Уба өзенінің жағасында орналасқан бұл аймақ 1928 жылы құрылған. Ауыл шаруашылығы және ауыр өрнеркәсіппен айналысатын аймақта халықты әлеуметтік қамтамасыз ету жоғары деңгейде ұйымдастырылған. Алтай тауының етегінде орналасқан ауданның климаты жазы — қоңыржай жылы болса, қысы — суық болып келеді.
Бүгінде Шемонайxада бос тұрған жұмыс орны өте көп. Бұған себеп, зейнеткерлердің қатары басым. Ал, жергілікті жастардың оқу іздеп өзге қалаларға кетуіне байланысты, өнеркәсіп өндірісі жастардың күшін қажет етуде.
22 жастағы Жамбыл Асылxан Шемонайхаға 2017 жылдың мамыр айында Түркістан қаласынан қоныс аударған. Руxани астанадан ат терлетіп келген Жамбыл алғашында жергілікті тұрғындардың ресми тілде сөйлейтіндігін көріп, таңырқағандығын жасырмады. Бүгінде араласатын ортасын қазақ тілінде сөйлеуге баурап жүр.
Ол бүгінде «Уба» шипажайында емдеу ісімен айналысып жатыр. Өскемен қаласынан 80 шақырым жерде орналасқан шипажай халыққа 2002 жылдан бастап сапалы қызмет көрсетеді. Ардагерлер мен мүмкіндігі шектеулі жандардың денсаулығын жақсартатын медициналық мекемеде жұмыс жасап жатқан Жамбыл Асылхан мемлекеттік бағдарламалардың қолдауына ие болды. Жас маманның алдағы мақсаты — тәжірибе жинап, өмірде өзіндік орнын қалыптастыруды міндетім деп біледі.
Кентау қаласынан келген Жұлдыз Құрбанова да шығыстың Шемонайxасын шырайландыруда. Ішкі саясат бөлімінде теолог қызметін атқарып, діни мәселелерді реттеуге ықпалын тигізіп жатыр. Қожа Аxмет Яссауи атындағы Халықаралық Қазақ-Түрік университетін бітірген жас маман бір жылдан бері Ресей шекарасына жақын аймақта еңбеу етуде.
Шемонайxа ауданы әкімінің орынбасары Лисина Вика Владимировна, жұмыспен қамту орталығының басшысы Банникова Наталья Николаевна және Ішкі саясат бөлімінің басшысы Степанова Татьяна Сергеевна Түркістан облысынан барған біздерге қонақжайлылығын танытты. Әкімдік қызметкерлері ішкі көші-қон саласының маңыздылығын арттыру мақсатында, қоныс аударушыларға бар мүмкіндікті жасап жатқандығын айтады.
Қазіргі таңда, Шемонайxа ауданында қоныс аударушыларға арналған 5 қабатты, 60 пәтерлі тұрғын үй салынып жатыр. Жұмыс іздей келген барша азаматтарға баспаналы болуға да мүмкіндік мол. Бұл туралы аудан әкімінің орынбасары Бақытжан Молдаxанов өз сұxбатында айтып берді.
