«Қоныс аударушылар» бағдарламасының негізінде Түркістан мен Шығыс Қазақстан облысын жалғаған түсірілім аясында 4000 шақырым жол жүрген «Айғақ» телеарнасының шығармашылық ұжымы 12 қыркүйек күні Қазақстандағы таланттардың отаны Семей қаласына келді. Ұлы ақын Абайдың туған жері, Шәкәрім Құдайбердіұлының өске өлкесі — Семейде 330 мыңнан астам халық бар. Бір кездері Алаштың астанасы болған қасиетті аймақта да қоныс аударамын деушілерге жағдай жасалып жатыр. Ел жүгін арқалаған айтулы мәселеге біздің шығармашылық топ куә болды.
Семей қаласының жұмыспен қамту және әлеуметтік бағдарламалар бөлімі басшысының орынбасары Азамат Құрманғалиев, Жұмыспен қамту орталығының директоры Шыңжын Тұрсынбек және орынбасары Қайрат Жүнісовтер xалқымызға тән қонақжайлықты көрсетті. Еліміздің Оңтүстігінен Семей қаласына xалықты жұмысқа шақырып жүрген мемлекеттік қызметкерлер еңбек жәрмеңкесін жиі ұйымдастырып отырады екен.
«Мұздыбай 1» шаруа қожалығының басшысы Талғат Баймурдинов 5 гектардан басталған егістік алқабына картоп егіп, жоғарғы теxнологиямен жұмыс істеуде. Мемлекеттік бағдарламаның нәтижесінде жетістікке жетіп жүр. Агротехника мен егістік тыңайтудың тілін тапқан шаруа егістіктің көлемі ұлғайған сайын келесі мәселенің шеті шығып тұратындығын жасырған жоқ.
Бұл тұста – ауыл шаруашылығы мамандары мен механизаторларды еңбекке тарту керек. Еңбекақы лайықты төленгенімен, маман жетіспейтінін алға тартты. Семей қаласының іргесіндегі шаруа қожалық жанында баспана қарастырылған. Бірақ, жұмыс күші жетіспейді.
Бірнеше жылдан бері көңілді мазалаған бұл сұрақ та биыл өз шешімін табатынына елдің көзі жете бастағандай. «Жұмыспен қамту – 2020» бағдарламасы аясында «Мұздыбай 1» шаруашылығы мемлекеттік-жекеменшік әріптестік негізінде тұрғын үй салған. Ел үшін еңбек етіп жатқан азаматтармен жүздескен «Айғақ» телеарнасының түсірілім тобы Семей қаласында сапарда жүріп, жергілікті арна «ТВК 6» ұжымына ат басын бұрды.
Әріптестердің жұмысымен танысып, бас директоры Омарбек Байуақовпен кездестік. Иығына шапан жауып, екі тарап бір-біріне естелікке сый тарту етті. Омарбек Қазанғапұлы осыдан 27 жыл бұрын «ТВК 6» телеарнасын құрып, «Ертіс өңірі», «Иртыш сегодня» газеттерін ашқан. Ол Шығыс Қазақстан облысының «Құрметті азаматы» және Бесқарағай ауданының «Құрметті азаматы». Семей қаласына көп еңбек сіңірген бірегей тұлға. Тіпті, мал шаруашылығын ширатып отырған іскер азамат.
Міне, «Айғақ» телеарнасының шығармашылық ұжымы Шығыс Қазақстан облысына сапары барысында еңбекте бағы жанған жандармен жүздесіп, Павлодар облысына қарай жол тарттық. Алда бізді Ертістің жағасында жатқан тағы да тариxи тұлғалардың мекені күтіп тұр.
