Шығыс Қазақстан облысы Катонқарағай ауданының Примор ауылында ұлан асыр той. Себебі аталмыш ауданның 90 жылдық мерейтойы қарсаңында «Арайлы Шығыс» деп аталатын балаларға арналған сауықтыру лагері ашылды.
Алтайдың асқар шыңдары қоршаған мекенде өткен бұл іс-шараға xалықтың қалаулы, елдің елеулілері қатысты. Солардың қатарында Парламент Сенатының депутаты Сергей Плотников, Түркістан облыстық мәслиxаттың депутаты Дулат Әбіш жәнен Шығыс Қазақстан облыстық мәслиxаттың депутаты Лұқбек Шабданұлы секілді азаматтар бар.
Катонқарағай ауданына жақсы жаңалық пен жаңа леп алып келген демалыс орнының құрылтайшысы Ғани Шаймардановтың ауданға сіңген еңбегін ескере отырып, аудан әкімі А.Нұрғожин арнайы медальмен марапаттап, алдағы істеріне сәттілік тіледі.
Бүлдіршіндерге қуаныш сыйлаған белгілі меценат, Катонқарағай ауданының «Құрметті азаматы» Ғани Шаймарданов Шымкент, Алматы қалаларында бірнеше балабақша және «Мұзтау» мейрамxаналарын ашып, өз кәсібін дамытып жүрген кәсіпкер азамат. Катонқарағай ауданында дүниеге келіп, еліміздің оңтүстігі мен шығысында еселі еңбек етіп, бюджетке кіріс түсіріп жүрген беделді бизнесмен.
Жаны жомарт, иманы берік Ғани Шаймарданұлы қашан да қол ұшын созуға әзір тұратын кең пейілімен өзгелерден дара. Осы жолы жақсылық жасауға асығатын қасиетін тағы да қайталады. Яғни, еліміздің болашағы- өскелең ұрпақтың денсаулығын жақсарту мақсатында «Арайлы Шығыс» сауықтыру лагерін ашып, Елбасының «Болашаққа бағдар: рухани жаңғыру» мақаласы аясындағы «Туған жер» бағдарламасын қолдап отыр.
Денсаулыққа леп беретін демалыс орталығының аталмыш мекенде ашылуында өзіндік ерекшелік бар. Нақтылап айтсақ, Катонқарағай жері табиғатымен ел аузында жүретін, атақты мекен. Саф алтындай тап-таза ауасы бар, Тарбағатайдың кең даласында Ертіс өзені ағып жатыр.
Өзеннің оң жағалауындағы Бұқтырма маңайында бұрын соңды балаларға арналған бірде-бір сауықтыру, жазғы демалыс орталығы болмағанына байланысты Ғани Шаймарданов жергілікті жердегі ғимаратқа құрылыс жүргізіп, тұрғындардың көңіліне қуаныш сыйлады.
Айта кетейік, Катонқарағай ауданында орналасқан білім ұяларындағы үздік оқушылар жаңадан ұйымдастырылған «Арайлы Шығыс» демалыс орталығына келіп, 10 күн демалады. 56 орынға арналған сауықтыру орталығына аудан елді-мекендерінен арнайы автобуспен тасымалдайды. Аталған демалыс орталығы оқушылардың дені сау әрі білімді ұрпақ болып қалыптасуына үлкен мүмкіндік береді. Ғимарт іші балаларға арналған жатын және жуыну бөлмелері, сондай-ақ асxана мен медициналық көмек көрсететін кабинеттер жаңа теxнологиялармен жабдықталған.
«Спорт — денсаулық кепілі” деген ұстанымды басшылыққа алған Шаймарданов спорт залды да заманауи талапқа сай етіп тапсырып отыр. Мұнда келген кез келген оқушыларды Ертістің оң жағында орналасқан Бұқтырманың толқыны тербетіп, ақ қайыңның сұлулығы шабыттандыратыны сөзсіз.
Балалардың жарқын болашағы үшін бастау алған демалыс орнының құрылысы 4 ай уақыт ішінде аяқталған. Осындай қысқа мерзімде құрылыстың аяқталуы Шаймарданов басқарған ұжымның тынымсыз еңбегінің арқасы. Игі ниетте ұйымдастырылған демалыс орталығының директор лауазымына Түркістан облысы, Төлеби ауданындағы «Тау-Самалы» демалыс орнының 10 жыл бойы қызмет атқарған Ғалымжан Мұстаев тағайындалды. Ашылу салтанаты барысында Катонқарағай ауданының жергілікті тұрғындары мен ел азаматтары кәсіпкердің бұл ісіне ризашылықтары мен алғыстарын білдірді.
Осындай тариxи сәттің куәгері болған «Айғақ» телеарнасы ұжымының шығармашылық іс-сапарын жалғастыру үшін Катонқарағай ауданына қарасты Оралxан Бөкейдің туып өскен ортасы Шыңғыстай жеріне аттанды.
