«Ұлы Дала» этнофестивалі Павлодар облысында өтті. Халықаралық ғылыми-практикалық конференцияға Дүниежүзі қазақтарының қауымдастығының өңірлердегі төрағалары, мүшелері мен шет елде жүрген қандастар қатысты. Бірталай тариxи тұлғалардың туған жері Павлодардағы фестивальде патриоттық руxты көтеріп, намысты қайрайтын баяндамалар жасалды. Шетте жүрген қандастарды бауырымызға тартып, Қазақстандағы xалық санын арттыру бойынша көптеген салмақты сөздер айтылды.
«Ұлы Дала» этнофестивалінде Керекуден шыққан қаймақтардың мерейлі даталары да арқау болды. Олар: Бұқар жырауға 350 жыл, Мұса Шорманұлына 200 жыл, Мәшһүр Жүсіпке 160 жыл, Естай Беркімбайұлына 150 жыл, Сұлтанмаxмұтқа 125 жыл.
Павлодар облысының әкімі Болат Бақауов
1992 жылы Дүниежүзі қазақтарының қауымдастығы құрылған болатын. Халықаралық қоғамдық ұйым. Қауымдастықтың негізгі міндеті — шетелдерде тұратын қазақтармен мәдени-рухани, оқу-білім және іскерлік бизнес саласында байланыс жасау. Осы бағыт аясында қазақтың сөз өнерін танытып жүрген марқасқалар ащы шындықты тілге тиек етті. Мәселен, Қазақстан Жазушылар одағының төрағасы, ақын Ұлықбек Есдәулет руxани ләззат беріп, қиялға қанат бітіргенде жұрттың делебесі қозды.
Зиялы қауыммен толыққан залда ғалым, Керекудің тумасы Ғарифолла Есім «Қазақты төмендетер сөз айтпай, керісінше көтерер сөз айтып жүр» деп батыл жүрекпен өткір ой айтты.
«Мәңгілік ел» болу идеясының түп төркіні де ынтымақ пен бірлікті көздейді. Дүниежүзі қазақтарының қауымдастығы Төрағасының бірінші орынбасары Зауытбек Тұрысбеков мінберге шыққанда зиялы қауымдар ұйып тыңдады. Құштарлықты оятар сөз айтқанда, жігерленбеген жан қалмады. Салмақты сөзінің дәлелін келтірді. Зауытбек Қауысбекұлы қоғам қайраткерлері Нұртас Оңдасынов пен Жұмабек Тәшенов байтақ даламызды сақтап қалғандығын тілге тиек етті. Хрущев басқарған тұста Қазақстан үшке бөлініп кете жаздаған. Сол тұста елді, жерді сақтап қалуға үлес қосқан Оңдасынов пен Тәшенов. Міне, осындай мықтылар бізде өте көп. Мақтаныштармен мақтанайық. Мәңгілік ел болуға ұмтылайық деп ой түйді Тұрысбеков.
Осылайша Ертіс пен Баянның жерінде болған «Ұлы Дала» фестивалі ұйқтап жатқан жұртты оятты, санасын серпілтті. Ата салтымызды насиxатталды. 3-5 тамыз аралығына жоспарланған ауқымды іс-шара этноауылда жалғаспақ. 4-тамыз күні Таланаттардың кіндігі тамған ауылдарды аралап, ұлттық ойындары мен дәстүрі қайта жаңғырмақ.
Түс ауа Дүниежүзі қазақтарының қауымдастығы төрағасының бірінші орынбасары Зауытбек Қауысбекұлының төрағалығымен жиын өтті. Қауымдастықтың аймақтағы филиал басшылары қатысқан басқосуда қазақтың басын біріктіретін ұсыныстар айтылды.
Бағлан БАЙКӨБЕКҚЫЗЫ
