Қазақстан Президенті Нұрсұлтан Назарбаев елдегі әскери оқу орындарының үздік түлектеріне офицерлік шендер тапсырды.
«Біз бүгін көк ту астында елордамыздың 20 жылдығына арналған іс-шараларды бастау үшін жиналдық. Жоғары әскери оқу орындарының жас түлектеріне алғашқы офицерлік шендерін тапсыру дәстүрге айналды- ең үздіктеріне. Соларға шен тапсыра отырып, мен біздегі әскери оқу орындарын бітірген барлық жас офицерлерді құттықтаймын! Біз сіздерге үлкен жауапкершілік, мемлекетімізді қорғауды, халқымыздың тыныштығын сақтауды, еліміздің бейбіт еңбегін, болашағын сеніп тапсырамыз», — деді Н.Назарбаев сәрсенбіде жоғары оқу орындарының курсанттарына офицер шешін тапсыру салтанатында.
«Құрметті офицерлер осы жағдайға лайық болыңыздар. Мен сіздердің Астананың 20 жылдығы қарсаңында көк ту астында жоғары бас қолбасшы қолынан шен алған күндеріңіз мәңгі естеріңізде сақталады деп ойлаймын. Осы қуанышты, осы сенімді өмір бойы серік етіңіздер, Отанымызға еңбек етіңіздер, жас жауынгерлерді патриотизм, отанына деген сүйіспеншілікке тәрбиелеңіздер. Сіздерге сәттілік пен табыс тілеймін», — деді Мемлекет басшысы.
Шен алған курстанттар қатарында ҚР ІІМ ТЖК Көкшетау техникалық институтының түлектері Дархан Азаматов пен Дархан Бектұрсынов; ҚР ҚМ рдиоэлектроника және байланыс әскери-инженерлік институтының түлектері Сұлтан Аманжолов пен Дарын Қайратов; ҚР Ұлттық қауіпсіздік комитетінің Шекара қызметі академиясының түлектері Жанаділ Газез бен Вадим Муратов; ҚР ІІМ Б.Бейсенов атындағы Қарағанды академиясының түлегі Жазира Ибрахим бар.
Сондай-ақ, шен алған курстанттар қатарында ҚР ІІМ М,Есболатов ат.Алматы академиясының түлегі Эдиль Катиев; ҚР ҚМ Құрлық әскері Әскери институтының түлектері Алмас Көшербаев пен Олжас Қуандықов; ҚР Ұлттық гвардия Әскери институтының түлектері Бағдат Мұқайұлы мен Қанат Сағынбек бар.
