«Айғақ»: Бүгін Түркістан қаласында Түркістан облысының Қоғамдық Кеңесінің алғашқы отырысы өтті

Бүгін Түркістан қаласында Түркістан облысының Қоғамдық Кеңесінің алғашқы отырысы өтті. Кеңестің күн тәртібінде төмендегі мәселелер қаралды.

Бірінші мәселеде «Түркістан облысының Келес, Жетісай, Мақтаарал және Сарыағаш аудандарының шекараларын белгілеу туралы» бірлескен Түркістан облысы әкімдігінің қаулысы мен Түркістан облысының мәслихаты шешімінің жобасы, «Түркістан облысының шекарасын белгілеу туралы» Қазақстан Республикасының Үкімет қаулысының жобасы, «Түркістан облысы Түркістан және Кентау қалаларының шекараларын өзгерту туралы» Қазақстан Республикасының Үкімет қаулысының жобасы туралы ұсыныстар қаралды.

Келесі мәселеде «Оңтүстік Қазақстан облыстық мәслихатының 2017 жылғы 11 желтоқсандағы №18/209-ҮІ «2018-2020 жылдарға арналған облыстық бюджет туралы» шешіміне өзгерістер мен толықтырулар енгізу туралы» Оңтүстік Қазақстан облыстық мәслихаты шешімінің жобасы, «Облыстық бюджет және аудандар (облыстық маңызы бар қалалар) бюджеттердің арасындағы 2017-2019 жылдарға арналған жалпы сипаттағы трансферттердің көлемі туралы» 2017 жылғы 30 наурыздағы 11/110-ҮІ Оңтүстік Қазақстан облыстық мәслихатының шешіміне өзгерістер енгізу туралы» облыстық мәслихат шешімінің жобасы туралы ұсыныс қаралды.

Сонымен қатар, «Өздерінің бақылау функцияларын жүзеге асыру үшін қажетті ақпарат пен құжаттарды сақтанушының, сақтандырушының, агенттің және қоғамның ұсыну нысаны мен мерзімдердің белгілеу туралы» Оңтүстік Қазақстан облысы әкімінің қаулы жобасына қатысты мәселелер қаралды.

Сондай-ақ, «Оңтүстік Қазақстан облысытық мәслихатының 2016 жылғы 15 қаңтардағы 46/384-Ү «Оңтүстік Қазақстан облысы бойынша тексеру комиссиясы мемлекеттік мекемесі Ережені бекіту туралы шешімінің» күші жойылды деп тану туралы» шешімінің жобасы қаралды.

Қоғамдық Кеңестің отырысында аталған мәселелер қаралып, бірауыздан мақұлданып, тиісті құжаттар облыстық мәслихаттың сессиясына жолданды.