Рәсімге қатысушыларға арналған сөзінде Елбасы Қазақстанда Отан қорғаушы күні мен Жеңіс күнін мерекелеудің маңыздылығын ерекше атап өтті, деп хабарлайды ҚР Президентінің баспасөз қызметі.
– Мен бүгін Жоғарғы Бас қолбасшы ретінде жоғары әскери және арнаулы атақтар, сондай-ақ қызметтегі жетістіктері үшін мемлекеттік наградалар тапсырамын. Осындай жоғары марапатқа еліміздің бейбіт өмірі мен тыныштығын сақтайтын әскеріміз бен арнаулы қызметтердің үздік өкілдері ие болып отыр, – деді Қазақстан Президенті.
Нұрсұлтан Назарбаев әлемде белең алып келе жатқан тұрақсыздық жағдайында мемлекеттің әскери-күш саласы ерекше маңызға ие болатынын айтты.
– Біздің әскеріміз бен құқық қорғау құрылымдарымыз ел қауіпсіздігінің берік қалқаны әрі егемендігіміздің мызғымас кепілі болып саналады. Мемлекет барша қазақстандықтардың бейбіт өмірі мен тыныштығын сақтау жолындағы сіздердің ерліктеріңіз бен қажырлы еңбектеріңізді жоғары бағалайды, – деді Мемлекет басшысы.
Қазақстан Президенті еліміздің қауіпсіздігін қамтамасыз ету және өскелең ұрпақты тәрбиелеу ісінде әрбір әскери қызметшінің зор рөл атқаратынын атап өтті.
– Жауынгерлер әрдайым Отан үшін отқа түсуді парыз санаған. Бұл – жәй сөз емес. Біз мұны Ұлы Отан соғысы тарихындағы ерлік істерден және ата-бабамыздан қалған мұралардан білеміз. Әрқашан осылай болған және бола береді. Еліміз өз армиясы мен құқық қорғау органдарын бағалап, құрмет тұтады, сондай-ақ сіздерді адал әрі қалтқысыз қызмет етеді деп сенеді, – деді Нұрсұлтан Назарбаев.
Соңында Мемлекет басшысы салтанатты шараға қатысушылардың барлығын Отан қорғаушы күнімен және Ұлы Жеңіс мерекесімен құттықтады.
Рәсім барысында ІІ дәрежелі «Даңқ» орденімен – М.Таласов, М.Құсайынов, М.Сатов, Қ.Жақыпбаев, І дәрежелі «Айбын» орденімен – Д.Кұрмашев, А.Төлеуов, II дәрежелі «Айбын» орденімен – Ж.Жақыпов, А.Калинин, Д.Пластовец, «Құрмет» орденімен – Э.Омарова, «Ерлігі үшін» медалімен – Ғ.Әлеуханов, В.Калмыков, «Жауынгерлік ерлігі үшін» медалімен – Н.Залмұқанов марапатталды.
Жоғары арнаулы әскери атақтар мен сыныптық шендерге ие болғандар тізімі:
Жоғары әскери және арнаулы атақтар, сыныптық шендер және біліктілік сыныбын беру туралы
ҚАУЛЫ ЕТЕМІН:
генерал-лейтенант әскери атағы
Жанжүменов Талғат Жеңісұлына;
ұлттық қауіпсіздік генерал-лейтенанты арнаулы атағы:
Білісбеков Нұрғали Дәулетбекұлына,
Өсіпов Марат Сапарұлына;
сыртқы барлау генерал-лейтенанты арнаулы атағы
Байжанов Ғабит Жақыпбайұлына;
2-сыныпты мемлекеттік әділет кеңесшісі сыныптық шені
Кененбаев Ерлік Әбдірақымұлына;
генерал-майор әскери атағы:
Абыкеев Ұларбек Ташықұлұлына,
Әбубәкіров Қаныш Асанханұлына,
Бочаров Дмитрий Владимировичке,
Көпбаев Қайрат Рашидұлына,
Қалиев Арман Зарлықұлына,
Ізтілеуов Серік Бақытжанұлына;
авиация генерал-майоры әскери атағы
Подгайский Евгений Евгеньевичке;
ұлттық қауіпсіздік генерал-майоры арнаулы атағы:
Оңғарбаев Сабыржан Ибрагимұлына,
Рақымбердиев Бақытбек Төлешұлына;
сыртқы барлау генерал-майоры арнаулы атағы
Оразов Нұрлан Оразұлына;
полиция генерал-майоры арнаулы атағы:
Абисатов Махамбет Хайыржанұлына,
Баймурзин Арманбек Хакімбекұлына,
Қабденов Мұрат Талапұлына,
Сүлейменов Жанат Қуанышұлына;
3-сыныпты мемлекеттік әділет кеңесшісі сыныптық шені:
Дембаев Болат Бекназарұлына,
Жылқыбаев Азамат Сембайұлына;
3-санатты жоғары біліктілік сыныбы
Әзбергенов Дулат Байдалыұлына
берілсін.
Қазақстан Республикасының
Президенті Н.Назарбаев
Астана, Ақорда, 2018 жылғы 3 мамыр
Дереккөз: akorda.kz
