«Әлеуметтік-психологиялық сүйемелдеу қызметі» секторының ашылу рәсімі өтті- деп хабарлайды Арыс қаласы әкімінің баспасөз қызметі.
Елбасымыз Нұрсұлтан Әбішұлы Назарбаев «Отбасының беріктігіне -жұбайлардың бір — бірінің, ең бастысы балаларының алдындағы жауапкершілігіне көп нәрсе байланысты. Ата -аналар балаларына, ал балалар қартайған ата-аналарына, қамқор болуы, әйел отбасы мен қоғамның құрметіне ие болуы тиіс» деп атап өткен болатын.
Қазақстан Республикасы Бас Прокуратурасының бастамасымен облысымызда қолға алынған «Отбасындағы зорлық-зомбылықсыз Қазақстан» пилоттық жобасы аясында отбасы-тұрмыс саласындағы құқық бұзушылықтың санын азайтуға бағытталған пилоттық жоба өз нәтижесін беруде.
Осыған сәйкес қазіргі таңда облысымыздың барлық аудандарында «Әлеуметтік- психологиялық сүйемелдеу қызметін» жүз еге асыру қолға алынған болатын.
Осы мақсатта бүгін қаламызда қалалық ішкі саясат бөлімі «Жастар ресурстық орталығы» коммуналдық мемлекеттік мекемесінің жанынан «Әлеуметтік-психологиялық сүйемелдеу қызметі» секторының салтанатты ашылу рәсімі өтті.
Салтанатты ашылу рәсіміне қала әкімі Қадырбек Мұрат Болатұлы, Қазақстан Республикасы Бас Прокурорының аға көмекшісі Тұрсынбекова Салтанат Пархатқызы, мекеме, бөлім басшылары мен қызметкерлері, зиялы қауым өкілдері, үкіметтік емес ұйымдар мен этно-мәдени бірлестік өкілдері, жастар және БАҚ өкілдері қатысты.
«Әлеуметтік-психологиялық сүйемелдеу қызметі» секторының тұрғындарымызға көмек қолын созып, олардың жан-айқайын, әлеуметтік мәселелерін шешу үшін психологиялық көмек көрсетіп, тұрмыстық зорлық-зомбылықпен байланысты құқықбұзушылықтың алдын-алу және қиын жағдайға душар болған азаматтарға консультативті заңды қызметтер көрсетеді.