Қазығұрт ауданының өнерпаздары республикалық басылымның мерейтойына орай өнер сайысын ұйымдастырды.
Қазығұрт аудандық мәдениет және тілдерді дамыту бөлімінің ұйымдастыруымен аудандық мәдениет сарайында « Айғақ» газетінің 20 жылдығы мен «Айғақ» телеарнасының 10 жылдығына арналған «Үздік күйші» және «Үздік термеші» байқауы өтті. Сайыстың мақсаты- күй, айтыс, терме жанрын дамыту, жас ұрпақты ұлттық құндылықтарға құрметпен қарауға тәрбиелеу, өнерпаздарға кең жол ашып, қолдау көрсету болып табылады.
Байқауға ауданға қарасты ауылдық округтерден 15 үміткер қатысып, бақ сынады. Қазылар алқасының шешімімен І-ші орын қазығұрттық Сапар Назеркеге бұйырса,
ІІ-ші орынды қазығұрттық Нұрлан Әбдібек қанжығасына байлап, ІІІ-ші орын шарбұлақтық Бұғыбай Бибарыстың еншісіне берілді.
Өнер додасына түскен барлық қатысушыларға дипломдар, жеңімпаздарға бағалы сыйлықтар табыс етілді.
