Кеше Шымкент қаласында қала әкімінің жүлдесіне арналған әуесқойлар арасында шағын футбол турнирі басталды. Шаһар басшысы Ғабидолла Әбдірахымовтың бастамасы бойынша биыл екінші мәрте ұйымдастырылып отырған жарыстың мақсаты салауатты өмір салтын насихаттап бұқаралық спортты дамытуға бағытталған.
Осы орайда биылғы шағын футбол турниріне жалпы саны 50 ге тарта команда қатысып өз бақтарын сынамақ. Яғни 40 жасқа дейінгі жастар құрамасы сапында турнирге 32 команда қатысуға ниет білдірсе, 40 жастан жоғары ардагер ойыншылардан құралған командалар саны 17-ні құрайды. Бұл ретте жарыс жеңімпаздары екі топқа бөлінген құрамалар арасынан жеке дара анықталатын болады. Шымкент қаласы әкімінің кубогі үшін өтіп жатқан бұл бәсеке 3 күн күнге жалғасса, жеңімпаз командаларға демеушілер есебінен қаржылай жүлделер тігілген. Осы орайда шағын футбол турнирін салтанатты түрде ашып берген қала әкімі мен депутаттар барлық қатысушы командаларға сәттілік тіледі.
Айта кетер жайт, сайыс желтоқсанның 2-4 күндері аралығында «Жоғарғы спорт шеберлігі мектебі» (Орталық стадион) спорт кешенінде өтуде.
