Қарағанды фармацевтикалық зауыты Мажарстанмен бірге дәрі-дәрмек шығару үшін қайта құрылуда, деп хабарлады ҚазТАГ тілшілері «Фитохимия» холдингі басқармасының төрағасы Серғазы Адекенов Қазақстан-Мажарстан бизнес форумы аясында жасаған мәлімдемесіне сілтеме жасап.
«Біз Қазақстанмен экспортқа жұмыс жасайтын боламыз. Бірақ, халықаралық, атап айтқанда, PannonPharma LTD-мен ынтымақтастық бойынша еуропалық нарыққа шығу Қарағанды қаласында экстракция бойынша қосымша учаске құрылысын талап етеді, қазір біз өндірісті кеңейту бойынша жұмыс жүргізіп жатырмыз. Инвестиция 50 де 50, ал бұл барлығы 5 млн доллар», — деді С. Адекенов дүйсенбідегі қазақстандық-венгрлік бизнес-форум кулуарында.
Ол атап өткендей, «бізде субстанция өндірісі болады, ал Еуропа үшін дайын өнімді қаптау және шығаруды Мажарстандағы «PannonPharma LTD» компаниясы жүзеге асыратын болады».
«Біз сәуір айынан бастап бірлескен жұмысты бастап, оны келісімшарттық өндіріс бойынша әрі қарай жалғастырудамыз», — деп түсіндірді фирма өкілі.
Сонымен қатар, ол Қарағандыда ісікке қарсы препарат шуғару жоспарланып жатқанын айтты.
«Бұдан өзге, «Арглобин» түпнұсқалық қазақстандық ісікке қарсы препараты да Қарағанды фармацевтикалық зауытында шығарылады, ал еуропалық нарық үшін дайын дәрілік формаларды шығару «PannonPharma LTD» зауытында жүзеге асырылады», — деді С. Адекенов.
Оның айтуынша, тәжірибелі партиялар қазірдің өзінде шығарылып жатыр, «ал нарыққа бір жылдан кейін шығарылады».
Венгрия 2005 жылдан бері Қазақстан экономикасына $100 млн.инвестиция салған. Форум шеңберінде Қазақстандық және мажарстандық кәсіпкерлер арасында дәстүрлі екіжақты кездесулер өтті, онда фармацевтика, медициналық жабдық, ауыл шаруашылығы, машина жасау, тамақ өнеркәсібі, логистика, АКТ және басқа да экономика салаларындағы ынтымақтастық перспективалары талқыланды.
