Оңтүстік Қазақстан облысында «Назар аударыңыз, балалар!» жедел алдын-алу іс-шарасы өтіп жатыр
2016 жылдың 1-5 қыркүйек аралығында ОҚО ІІД Жергілікті полиция қызметінің өкілдері жаңа оқу жылының басталуына ұштастырылған «Назар аударыңыз — балалар!» республикалық акциясы өткізуде.
Іс — шараның мақсаты — балалардың қатысуымен жол- көлік оқиғаларын алдын алу, балалар жол-көлік жарақатының мәселелеріне жұртшылықтың назарын аудару болып табылады.
Іс-шара барысында Жергілікті полиция қызметінің өкілдері Білім беру басқармасының, жол қозғалысының жас инспекторлары және «Нұр Отан» партиясының «Жас Отан» жастар қанаты мүшелерімен бірлесе отырып жол қозғалысы қауіпсіздігін қамтамасыз ету мәселелері бойынша азаматтармен насихаттау жұмыстары жүргізіліп, «Алыстан байқау – апаттан сақтану!», «Қымбатты, жүргізуші мырза!» флешмобтары ұйымдастырылып, жол қозғалысы ережесін бұзған жүргізушілерге жадынамалар мен жол тақырыбындағы балалардың шығармалары табысталады.
Балалардың жол-көліктік жарақаттарының алдын алуға бағытталған басқа да іс-шаралар қатары жоспарланған.
2016 жылдың жеті айы ішінде Оңтүстік Қазақстан облысының аумағында балалардың қатысуымен 354 жол-көліктік оқиғасы тіркеліп, соның ішінде 374 бала түрлі дене жарақаттарын алып, 29 қаза болды.
ОҚО ІІД баспасөз қызметі
