Дзюдо күресінен сынға түсетін палуандар арасында жеребе тартылып, Риода оңтүстік қазақстандық Дидар Хамза мен Отгонцецег Галбадрах та белдесетін болды. Алғашқылардың бірі болып, тамыздың 6-сы күні татами төріне шымкенттік Отгонцецег шығады. 48 келілер арасында чемпион атанып жүрген Галбадрах бірінші турда белдеспейді. Екінші айналымда жерлесіміз Гвиней-Бисау спортшысы Тасиана Лимамен белдеседі.
73 келілер арасында Дидар Хамза белдеседі. Ол бірінші айналымда-ақ Гамби палуаны Файа Нжие есімді палуаннан басым болуға тырысады. Оның қарсыласы да құрлық біріншілігінде Олимпиадаға жолдама жеңіп алған болатын. Дидар татами төріне тамыздың 8 күні шығады.
Жерлесіміз Біржан Жақыпов тамыздың сегізі күні сағат 02-00-де набиялық немесе әзірбайжандық спортшымен қолғап түйістіреді. Ал Қайрат Ералиев болса тамыздың 11 күні әзірбайжандық боксшы Джавид Чалабиевпен кездеседі. Жайна Шекербекова 16 тамызда Франция немесе Марокко ойыншысымен сынға түседі. Ол да кешкі сессияда ринг төріне шығады.
Естеріңізге салсақ, Рио-де-Жанейрода 136 елден келген 389 палуан жүлде үшін таласады. Бұл рекордтық сан деуге де болады.
