Моңғолия Республикасында табиғи апаттан зардап шеккен қандастарымызға Оңтүстіктен аттанған гуманитарлық көмек 3- ші тамыз күні діттеген жеріне жетті. Қазақтар шоғырланған аймақтағы тұрғындарға қажетті дүниелер таратылып берілген. Бұл сәтте «Айғақ» телеарнасының түсірілім тобы да ақпараттық қолдау көрсетуде. Шілде айының 10-ы күні сел болған аймаққа ОҚО белсенділері үндеу жариялап, облыс әкімдігінің қызметкерлері бір күндік жалақысын аударған болатын.
Жиналған қаржыға 7 тонна ұн және өзгеде қажетті азық-түліктер, киім-кешектер жүк көлігіне тиылып, аптаның алғашқы күні Баян-Өлгейге аттанған еді. Енді міне, халықтың қуанышына ортақтасқан Оңтүстік жұртшылығының гуманитарлық көмегі Баянөлгейліктерге үлкен сый болды. Өлкеден дайындалған арнайы репортаж назардан тыс қалмай, алдағы уақытта біздің арна арқылы көрсетілетін болады.
Сондай-ақ, «Айғақ» телеарнасының түсірілім тобы, қайғыдан қан жұтып отырған отбасы, 10-шілдедегі селден қаза тапқан 3 жастағы Ақтілек Бейсенбекұлының шаңырағында болып, рухына Құран бағыштады.
