Мұсылманның қасиетті парызының бірі – қажылықты орындау. Бұл орайда биыл Республика бойынша 3 мың азамат қасиетті сапарға аттанады. Оның ішінде 60 пайызға жуығы біздің облыстың еншісінде. Ерекше атап өтерлік жайт, биыл қажылыққа Шымкент қаласынан тікелей әуе рейстері ашылып отыр. Яғни Шымкент –Жидда – Мәдина бағыты бойынша тікелей ұшақ қатынайды. Тамыздың 30 –ы мен 1-ші қыркүйек күндері жолға шыққалы отырған азаматтар үшін бүгінде қысқа мерзімді қажылық курстары ұйымдастырылуда. Тамыз айының 30-ы мен қыркүйектің 1-ші жұлдызында ислам дініндегі бес парыздың бірін өтеуге ниет білдірушілер қажылыққа барады. Бұл қасиетті сапарға биыл еліміз бойынша 3 мың азамат аттанбақ. Ал олардың басым бөлігі ОҚО-нан. Міне осыған орай мешіттер жанынан қысқа мерзімді «Қажылық» курстары ұйымдастырылуда. Мұндағы мақсат алғаш рет қасиетті сапарға шыққалы отырған азаматтарға қажылықтың ережелері, шарттары, мән-маңызы және оның жауапкершілігі туралы кеңінен түсіндіруге бағытталған. Осы ретте қажылық курстың ашылуына қатысқан облыс имамы Ахметжан Керімбек қасиетті Меккеге баруды мақсат еткен азаматтарға ақ жол, сәтті сапар тіледі.
Айта кету керек, Меккеге бару сапарын ҚМДБ жариялаған конкурстан өткен қажылық компаниялар жүзеге асырады. Ерекше атап өтерлік жайт, биыл қажылыққа Шымкент қаласынан тікелей әуе рейстері ашылып отыр. Яғни Шымкент –Жидда – Мәдина бағыты бойынша тікелей ұшақ қатынайды. Алғашқы сапар уақыты 30 тамыздан басталса, тасымалдау тек Астана, Алматы, Шымкент қалаларынан жүзеге асырылады. Өңірімізде 20 жылдан астам уақыттан бері қажылық сапарларды ұйымдастырумен айналысып келе жатқан «Сембекова» компаниясы басшысының айтуынша биыл қасиетті сапарға бара жатқандардың әр қайсысына жұмсалатын қаржы 3500-3600 АҚШ долларын құрайды. Аталмыш қажылық компаниясы биыл 150 азаматты Мекке Мәдинаға сапарлатып қайтпақ.
Бүгінде 60 жасты алқымдаған Шымкент қаласының тұрғыны Қалдыбек Сейдуллаұлы Мұсылманның қасиетті парызының бірі қажылықты орындауға биыл 2 –ші мәртте аттанғалы отыр. Жиырма жылдан астам уақыттан бері намаз оқып, ораза ұстап келе жатқан азамат қажылық сапарынан алған әсері әңгімелеп берді. Осылайша қасиетті қажылық сапарына ниет еткен азаматтардың ұшғы алғаш рет тікелей Шымкент қаласынан 30 тамызда жолға шықса, екінші легі 1 қыркүйекте аттанады. Сонымен, 20 күнге жуық уақытқа созылатын сапар кезінде жерлестеріміз қасиетті аймақта жасалатын барлық құлшылықтарды орындап қажы атанып қайтпақ.
Абай Омар
