Оңтүстіктің шалғай аудандарына ұшақпен баратын күн де алыс емес. Яғни Шымкент әуежайынан Шардара, Мақтарал аудандары мен Түркістан қаласына арнайы әуе рейсін ашу жоспарланып жатыр. Ол үшін алғашқы қарқын алған қадамдары да бастау алды. Канада мемлекетінде жасалған ауа райына қолайлы, қонатын жерді талдап, талғамайтын әуе кемесінің сенбі күні тұсаукесері өтіп, алғашқы жолаушылары Шымкент әуежайына келіп қонды. Ең биік нүктеде және ең төмен жағдайда да ұшуға қауқары жететін ұшақтың тиімділігі мен артықшылықтары таныстырылды. Яғни, 19 жолаушыға шақталған, азаматтардың мүмкіндігіне қарай жасақталған ұшақтың мотивикациясы да өзгере алады. Бұл ұшақтың қонуы үшін арнайы ұшып- қону жолағы 500 метрге дейін жасақталғанының өзі жеткілікті. Сағатына 250 шақырым жылдамдықты бағындыратын ұшақ мәселен, Шардара ауданына 1 сағатта жетуіңізге мүмкіндік жасайды. Бір айта кетерлігі, бұл ұшақ Антрактидада құтқару экспедициясында 55 градус суықта сынақтан өткен кез келген ауа райына төтеп беруге қауқарлы. Сондықтан қауіпсіздік шаралары сақталған әуе кемесі Оңтүстік тұрғындары үшін қызмет етуге дайын.
Авияциялық белсенділікті арттыру, туризмді дамыту мақсатында облыс билігі әуе ұшақтарының шалғайдағы аудандарға қатынауы мақсатында тиісті жұмыстарды жүргізуде. Бұл күнгі шарада осының дәлелі. Жекеменшік мемлекеттікк әріптестік байланысты нығайту мақсатында әуе кемесінің бізде жол жүруі жеке инвесторлардың тарапынан жүзеге асырылмақ. Қазіргі таңда Шардара ауданында ұшып қону айлағы бар болса, ендігі жерде Түркістан қаласы мен Мақтарал ауданына ұшақтар қонуы үшін орын дайындалу үстінде екен. Бұл жоба өңірімізде қарқын алып, қанатын кеңге жайса, Созақ ауданына да ұшақтар жолға шығатын болады. Әзірге әуе кемелерінің Оңтүстік халқын алыс аудандарға жеткізу үшін облыс әкімдігі мен әуе компаниясы арасында келсім жүруде.
Еңлік Заманхан
