Сүйінші! ҚР Президенті Н.Назарбаевтың Жарлығымен Асқар Мырзахметов Қазақстан Республикасы Премьер-Министрінің орынбасары – Қазақстан Республикасының Ауыл шаруашылығы министрі қызметіне тағайындалды.
Асқар Исабекұлы Мырзахметов 1962 жылы 1 қазанда Шымкент қаласында дүниеге келген. Ауылшаруашылығы және экономика мамандықтары бойынша білім алған. Ауыл шаруашылығы ғылымының кандидаты.
Бұл тағайындауға дейін Ауыл шаруашылығы министрлігін басқарған Асқар Исабекұлы «Нұр Отан» партиясы төрағасының бірінші орынбасары, 2009-2015 жылдар аралығында Оңтүстік Қазақстан облысының әкімі болды. 2007-2009 жылдары «Оңтүстік» Әлеуметтік-кәсіпкерлік корпорация» Ұлттық компаниясы» акционерлік қоғамының басқарма төрағасы қызметін абыроймен атқарды. Сонымен қатар, әр жылдары Қазақстанның Өзбекстандағы Төтенше және Өкілетті елшісі болды, 2005-2006 жылдары Ауыл шаруашылығы министрлігін басқарды.
Асқар Исабекұлының жаңа қызметімен шын жүректен құттықтаймыз. Жаңа қызметіңізге асқақ абырой, талмас еңбек тілейміз.
