11 жылдық білімдерін сарапқа салатын Ұлттық біріңғай тестілеуден Оңтүстік оқушыларының еншісінде 77,7 пайыз. Ал, 2 және 8 маусым күндері аралығында өткен сынаққа біздің өңірден 19691 оқушы қатысып, 1883 бітіруші шектік деңгейге жете алмады. Сонымен қатар, Сарыағаш және Мақтарал аудандарында тест ережесін бұзып, тәртіпке бағынбағандар бар болып шықты. Яғни, Сарыағаш ауданында өзге азамат бітірушінің орнынан сынаққа қатыспақ болғаны белгілі болса, Мақтаралда қос бірдей талапкер аудитория ішінде тиым салынған заттарды пайдаланған. Нәтижесінде үш түлектің жұмыстары жойылып, армандары көкке ұшты. Десе де Мақтарал ауданындағы Бауыржан Момышұлы атындағы мектептің 40 бірдей оқушысы Алтын белгіні ақтап шығып, өңір абыройын асқақтатты. Жалпы, Оңтүстікте 6 бірдей талапкер 125 балды иеленіп, 11 жыл бойы оқыған білім деңгейлерін анықтап берді.
Айта кетейік, Ұлттық біріңғай тестілеуден ең жоғарғы көрсеткішке Кентау қаласының шәкірттері ие болса, Сарыағаштықтар ең төменгі деңгейде.
ОЛЖАС БЕКТЕНОВ ТҮРКІСТАН ОБЛЫСЫНДА ЭЛЕКТР СТАНСАСЫН САЛУ ЖӨНІНДЕГІ ПРЕЗИДЕНТ ТАПСЫРМАСЫНЫҢ ЖҮЗЕГЕ АСЫРЫЛУ БАРЫСЫН ТЕКСЕРДІ
Премьер-министр Олжас Бектенов Түркістан облысында қуаты 1000 МВт болатын бу-газ қондырғысы (БГҚ) базасында салынып жатқан электр стансасының құрылысын тексерді. Мемлекет...
