Ақтөбеде 5 адамнан тұратын террористер тобы жойылды, деп хабарлады ҚР ҰҚК баспасөз қызметінен. «Жедел-іздестіру шаралары барысында Некрасов көшесі бойында орналасқан тұрғын үйдегі пәтерде террористердің тығылып жатқаны анықталды. ҰҚК мен ІІМ арнайы тағайындама бөлімшелері ол пәтерді қоршауға алды. Қауіпсіздік шараларын жүргізу арқылы тұрғындардың қауіпсіздігі қамтамасыз етілді. Келіссөздер жүргізу барысында террористер өз еріктерміен берілуден бас тартып, оқ атқан. Әскериледің оларды қаруларын тастауға шақырған талпыныстары еш нәтиже бермеген. Нәтіижесінде арнайы тағайындама әскерилері пәтерде орналасқан 4 террористің көзін жойды», — делінген жұма күнгі ҰҚК хабарында. Бұл ретте аталып өткендей, бейбіт тұрғындар мен күш құрылымдары қызметкерлерінің арасында қайтыс болғандар мен зардап шеккендер жоқ. Бір мезетте Мясоедова мен Арынов көшелері қиылысында террористердің сыбайласы полицияның патрульдік экипажына шолақ мылтықтан оқ атып, өзіне қарсы атылған оқтан сол жерде көз жұмды. Екі әскери қызметкер жеңіл жарақат алды. Ақтөбе облыстық терроризммен күрес жөніндегі жедел штаб жағдайды тұрақтандыру, қалған қызметкерлерді іздестіру, олардың байланысы мен сыбайластарын анықтау шараларын жалғастыруда.
Бұған дейін хабарланғандай, 10 маусымда Ақтөбе облыстық терроризммен күрес жөніндегі жедел штаб Ақтөбедегі терроризм актісін жасауға қатысы барларды іздестіру операциясын жалғастыруда.
«ҚазТАГ» АҚ-нен алынды.
