«Ел Бірлігі» қоғамдық қорына жаңа басшы тағайындалды. Қор құрылтайшысының шешіміне байланысты белгілі журналист Малика Абдалиева Махамбеткәрімқызы «Ел Бірлігі» қоғамдық қорының тізгінін ұстады. Қор жалпы 2005 жылы «Ел Бірлігі үшін» қоры ретінде тіркеліп, 2012 жылы «Ел Бірлігі» қоғамдық қоры ретінде өзгертіліп өз жұмысын жалғастырып келеді. Қазіргі таңда «Ел Бірлігі» қоғамдық қорының мақсаты айқын әрі ашық. Оны облыс басшылығы мен қала, аудан, ауыл әкімдері қордың «Сара жол» бағдарламасы аясында атқарған жұмыстарынан өте жақсы біледі. Ел мен елді табыстыруда, ұлт араздық орын алған жағдайды реттеуде, дін саласындағы тұрақтылықты сақтауда ұйым басшылығы мен оның мүшелері аянып қалған емес. Осы жылы қоғамдық қорымызға 11 жыл толып отыр. 11 жыл бойы облыс шеңберінде атқарған жұмыстарымыз аз емес. Өзіндік орны бар, салмақты саясатты ұстанатын «Ел бірлігі» Республикалық қоғамдық-саяси газеті мен ақпараттық портал және бір жүйеге біріктірілген ақсақалдар алқасы мен орталық кеңесін құрып, қоғамның өркендеп өсуіне өзіндік ерекше үлесін қосып келе жатқан қоғамдық ұйымдардың лакомативіміз десек артық айтпағандығымыз болар. Оңтүстік Қазақстанның 12 ауданы мен 3 қаласынан ту көтерген біздің қоғамдық қордың жұмысы ешқашан тоқтаған емес. Жаңа басшы, Малика Абдалиева Оңтүстік Қазақстан облысы Қазғұрт ауданының тумасы. Журналистика саласының майталманы, бірнеше Халықаралық байқаулардың жеңімпазы, Қазақстан Журналистер Одағының мүшесі. Жалпы еңбек өтілімі 30 жыл. Малика Абдалиеваны жаңа қызметімен құттықтай отырып, алдағы жұмысына сәттілік тілейміз!
МЕМЛЕКЕТ БАСШЫСЫ XI «АЙБЫН» ХАЛЫҚАРАЛЫҚ ӘСКЕРИ-ПАТРИОТТЫҚ ЖАСТАР ЖИЫНЫНА ҚАТЫСТЫ
Президент – Қазақстан Қарулы Күштерінің Жоғарғы Бас қолбасшысы Қасым-Жомарт Тоқаев XI халықаралық «Айбын» әскери-патриоттық жастар жиынының ашылу рәсіміне қатысты....
