Ақын, ғалым, тілтанушы, бүгінгі күннің «ойшылы» атанып жүрген Олжас Сүлейменов жаймашуақ көктемнің құлпырған күнінде Оңтүстікке келді. Жазушы шырайлы Шымкенттің көркейген келбетіне араға 2 жыл салып куә болып отыр. Қазақстан Республикасының көрнекті ақыны және қоғам қайраткері Олжас Омарұлы Сүлейменовты Оңтүстік Қазақстан облысының әкімі Бейбіт Атамқұлов арнайы қабылдады. Мұнан кейін, ақын жергілікті БАҚ өкілдерімен кездесіп, ой бөлісті.
Аз уақыттың ішінде Оңтүстік Қазақстан облысы мен еліміздегі үшінші мегаполистің даму қарқынына тәнті болғандығын айтты.
