Халқымыздың қастерлі Ата заңының қабылданғанына – 20 жыл. Егемендігіміздің елдігін, тәуелсіздігіміздің тұғырлы екендігін танытқан Конституция – жалпы жұрттың мақсат-міндетін айқындап береді. Адамзаттың арқа тұтар алтын діңгегі. Азаттықты аңсап өткен Қасымханның «қасқа жолы», Есімханның «ескі жолы» мен Тәуке ханның «Жеті жарғысының» жалғасы – бүгінгі Конституция. Осындай мерейлі мереке қарсаңында төсбелгі табысталып, кеудесіне медаль таққан азаматтар аз болмады. Әлеуетіміздің артып, экономикамыздың дамуында өзіндік үлесі бар, әр салада еңбек етіп келе жатқан асыл жандар ардақты марапатқа қол жеткізді. Жұмада алқалы жиын өткізген аймақ басшысы Бейбіт Атамқұлов еліне елеулі, халқына қалаулы жандарға мерекелік медаль табыстады. Мұндай құрмет-қошеметке бөленгендер:
Әбілқасым Досболов, Шәріпбек Жамалбек, Келесбек Жартыбаев, Дулат Әбіш, Бағлан Батыршаев, Қайнар Аббасов, Данабек Бекенов, Қайыпбек Қамбаров, Мадияр Оразалиев, Рахым Тәңірбергенов, Дәуренбек Ахметов, Талғат Баймаханов, Саттар Қуашбаев, Оңалбай Аяшев, Мади Бигалиев, Алмасбек Мамытбеков, Қайрат Сапарбаев, Амангелді Сопбеков, Серікжан Сейітжанов, Сұлтанбек Сүгірбаев, Рәшкүл Оспанәлиева, Лесбек Тәшімов, Мұрат Төлтебаев, Өмірзақ Мелдеханов, Әділхан Исабаев, Қилыбек Тұрлыбектер бар.
Өз кезегінде Шымкент қаласының әкімі Ғабидолла Әбдірахымов та «Конституцияның — 20 жылдығына» орай қаламыздың қарыштап дамуына еңбек сіңірген азаматтарды Ата Заңның мерейлі төсбелгісімен марапаттады. Олардың қатарында қалалық мәслихат депутаттары мен әкімдік қызметкерлері және медицина саласының майталмандары бар. Сонымен қатар, ақпарат пен мәдениет саласының қызметкерлері де бұл күні марапатқа бөленді. Айта кетсек, салтанатты жиында «Айғақ» телеарнасының директоры Мұхтар Серікбаев пен «Айғақ» телеарнасының редакторы Ұлбике Ахметқызының да ақпарат саласындағы еселі еңбегі еленіп, марапат төрінен көрінді.
