011

Түркістанның бас жоспарының тұжырымдамасы бойынша халықаралық байқаудың жеңімпазына 25 миллион теңге беріледі

Түркістанның бас жоспарының тұжырымдамасы бойынша түркі әлемінің мәдени және рухани орталығы ретінде халықаралық байқаудың жеңімпазына 25 миллион теңге беріледі, деп хабарлайды ҚР ИДМ баспасөз қызметі.

Түркістан қаласын түркі әлемінің мәдени-рухани орталығы ретінде дамыту бойынша бас жоспар Тұжырымдамасын әзірлеу конкурсын ұйымдастыру және өткізу бойынша комиссия (бұдан әрі – Комиссия) Түркістан облысының әкімдігімен бірлесе отырып, «Қазақстан Республикасының әкімшілік-аумақтық құрылысының кейбір мәселелері туралы» Қазақстан Республикасы Президентінің 2018 жылғы 19 маусымдағы № 702 Жарлығының 4 тармақ 2) тармақшасына сәйкес, түркі әлемінің мәдени-рухани орталығы ретінде Түркістан қаласын дамыту бойынша бас жоспардың ең үздік Тұжырымдамасын әзірлеуге ашық халықаралық конкурс жариялайды (бұдан әрі – Конкурс).

Аталған конкурстың мақсаты түркі әлемінің мәдени-рухани орталығы ретінде Түркістан қаласының бас жоспарының Тұжырымдамасының сәулет-қала құрылысы шешімдерін алуға негізделеді, мұнда облыс орталығы ретінде Түркістан қаласының ұзақ мерзімді аумақтық дамуы, мәдени-тарихи мұрасының сақталуы бойынша сапалы шешімдер ұсынылатын болады.

Конкурсты өткізу мерзімі: 2018 жылғы 11 шілдеден бастап 11 тамыз аралығы.Конкурсқа ұсынылған жобалар көрмесі Түркістан қаласында 15-20 тамыз аралығында өтеді.

Конкурстың жүлде қоры (салықтарды қоспағанда) 40,0 млн.теңгені құрайды, оның ішінде:

— 1 орын – 25,0 млн.теңге;

— 2 орын – 10,0 млн.теңге;

— 3 орын – 5,0 млн.теңге.

Конкурсты ұйымдастырушылар:Комиссия және Түркістан облысының әкімдігі

Конкурс сайты: Turkestangenplan.kz

Конкурсқа кәсіби сәулетшілер және қала құрылысын жүзеге асыру мамандары (жеке және заңды тұлғалар) қатыса алады.

Тіркелу формасы ұсынылған немесе сілтеме арқылы онлайн өтіңіз: https://goo.gl/forms/Hgib4INFc0tAqIsH3

Конкурс шарттары, техникалық тапсырма және басқа да бастапқы материалдар қатысушыларға сәтті тіркелгеннен кейін 1 күн ішінде электронды мекенжайына жіберілетін болады.

Конкурсқа қатысты сұрақтарды: konkurs@turkestangenplan.kz; astanagenplan@mail.ru

электронды мекенжайына жолдауға болады.




Добавить комментарий

Ваш e-mail не будет опубликован. Обязательные поля помечены *

error: Content is protected !!