Түркістан облысында су басу қаупі жоқ

Түркістан облысында су басу қаупі жоқ.
Түркістан облысы аумағында қазіргі таңда жағдай қалыпты. Барлық бағыттағы автомобиль жолдары көліктердің барлық түрлеріне ашық.
2020-2021 жылдардағы қыс кезеңіндегі төтенше жағдайларға байланысты департамент тарапынан 18 техника, 134 жеке құрам, өрт сөндіру қызметі – 45 техника және 320 жеке құрам жұмылдырылған.
Сонымен қатар, республикалық және облыстық жолдардағы асулардағы 11 жылыту бекеттері төсек орын, электр қозғалтқыштары және көмір отындарымен қамтамасыз етілген.
Қыс маусымында жолдарды қардан тазалауға, құм шашу жұмыстарына республикалық маңызы бар автомобиль жолдарында жалпы 170 адам және 54 бірлік техникалар тартылған. Бүгінгі күнге дейін облыс аумағында қар құрсауынан 5 адам құтқарылып, қауіпсіз жерге көшірілген.
2020 жылы қыс маусымы басталғалы бері жалпы 7 жол жабылу оқиғалары орын алып (республикалық 4, облыстық маңыздағы автомобиль жолдарында 3), авариялық құтқару жұмыстарын жүргізу үшін жалпы 21 техника жұмылдырылып, 5 адам (2019 жылы 4 адам) қар құрсауынан шығарылып, қауіпсіз жерге жеткізілді. Бұл туралы Түркістан облыстық ТЖД-нің басқарма бастығы Талғат Досалиев баспасөз жиынында мәлім етті.
Оның айтуынша жолдарды жабу кезінде төтенше жағдайларға жол бермеу және жолаушылардың көліктерімен жолға шықпауларын ескерту мақсатында тұрақты түрде бұқаралық ақпараттық құралдары мен әлеуметтік желілер арқылы ескертпелер жарияланып, облыс тұрғындарының ұялы телефондарына қараша айынан бастап 49 рет СМС хабарламалар жолданған.
Қазіргі таңда жолдардың барлығы бақылауға алынып отыр. Сонымен қатар қысқы кезеңде адамдардың мұзда балық аулау барысында болуы мүмкін қайғылы оқиғалардың алдын алу мақсатында жергілікті атқарушы органдар, полиция және еріктілерді қатыстыра отырып әлеуметтік желілер арқылы 27 рет, теледидар арқылы 16 рет дөңгелек үстел 8 брифинг өткізілді.
Облыс аумағының су айдындарында 44 ескерту және тыйым салу белгілері орнатылып, 43 рет балық аулау орындарын аралау және рейдтік жұмыстар жүргізілген. ТЖ департаментінің негізгі қызметтік мақсаттарының тағы бірі облыс аумағында су тасқыны қауіпінің алдын-алу. Сондықтан бүгінде Сырдария өзеніне және қауіпті учаскелерге жер үсті (64), әуеден шолу жұмыстары жүргізіліп, күнделікті мониториг жүргізілуде. Облыс аумағына 40 су қоймасы бар. Оның ішінде 18 су қойма «Қазсушар» РММ-не, 15 су қойма аудандық коммулдық меншігіне, 2 су қойма Түркістан облысының құрылыс басқармасына, 5 су қойма жеке меншік иелігіне қарасты. Қараусыз қалған су қоймалары жоқ. Барлық су қоймалар мен өзен сулары Департаментпен күнделікті бақылауға алынған. Әзірге аймақта су басу қаупі жоқ.