Қазақтың ән падишасы, белгілі композитор Шәмші Қалдаяқовтың туғанына 90 жыл. Қазақ елі үшін, қазақ эстрадасы үшін айтулы мерекеге айналған бұл күн биыл дүркіреп аталып өтпесе де, ерекше көңіл бөлінді.
ҚР Мәдениет және спорт министрі Ақтоты Райымқұлова Шәмші Қалдаяқовтың туған жері Отырар ауданына арнайы келді. Шәмші есімі берілген бұл ауылда аңызға айналған композитор туып- өскен. Ал, өзінің балалық шағы өткен үй бүгінде мұражайға айналды. Тарихи нысанның ашылу салтанатына Ақтоты Райымқұлова, әнші, компазитор Жеңіс Сейдулла, Түркістан облысының әкімі Өмірзақ Шөкеев және Шәмші Қалдаяқовтың кенже ұлы келді.
Министр барша қазақстандықтарды композитордың 90 жылдығымен құттықтай отырып, Шәмші Қалдаяқовқа осындай тарихи, естелік нысандар ашуға қолдау көрсеткен облыс әкімі Өмірзақ Шөкеевке алғыс білдірді.
Музей іші композитордың өзі қолданған заттардың түпнұсқасымен толықтырылған. Естелік суреттері де үй қабырғаларында жарқырап тұр. Бұл заттарды жинақтауға ауыл тұрғындары, Шәмшінің жақын туыстары және көзін көрген достары көмектескен.
aigak.kz
Суреттер Түркістан өңірлік коммуникация қызметінен алынды.
