Қазақстанда Nazarbayev University тәжірибесін ескере отырып, ЖОО-лардың академиялық және басқарушылық дербестігін кезең-кезеңімен кеңейту және жеке ЖОО-ларды коммерциялық емес қылып өзгерту қарастырылған, деп хабарлады ҚР премьер-министрінің ресми сайтынан.
«2016 жылдан бастап 28 ЖОО-да бақылаушы кеңестар қалыптастырылып, ректорларды таңдау енгізіледі және олар қоғам алдында жауап беретін болады. 2017 жылдан бастап ҮИДМБ кәсіпорындары үшін кадрлар даярлауды жүзеге асыратын базалық ЖОО-лар үшін даму бағдарламасы негізінде өз бетінше жұмыс жасауды ұсыну жоспарланбақ. 2021 жылдан бастап аталмыш тәжірибе қалған ЖОО-ларда да жүргізіле бастайды», — деді ҚР БҒМ жоғары және жоғары оқу орнынан кейінгі білім департаментінің директоры Дархан Ахмед-Заки.
Оның айтуынша, мемлекеттік және ұлттық ЖОО-лар жаңа ұйымдастырушылық-құқықтық форма –мемлекеттің 100 пайыздық қатысуымен коммерциялық емес акционерлік қоғам қылып өзгертілуі мүмкін.
Сонымен қатар, ҚР БҒМ хабарлағандай, жеке ЖОО-ларды коммерциялық емес білім беру мекемелеріне ауыстыру механизмдері де әзірленген. ЖОО-ларды жаңа ұйымдастырушылық-құқықтық формаға көшіру бақылаушы кеңестердің, эндаумент-қорлардың құрылуын, жыл сайынғы қоғам алдында есеп беруді және қаржылық қызмет аудитін жүргізуді қарастырады.
Қазіргі таңда «ҚР кейбір заңнамалық актілеріне жоғары оқу орындарының академиялық және басқарушылық дербестігін кеңейту мәселелері бойынша өзгертулер мен толықтырулар енгізу туралы» заң жобасы тұжырымдамасының жобасы әзірленуде, ол қазір меморгандарда келісуде жатыр.
Дереккөз: ҚазТаг.
