«Болашақ» стипендиясына биыл бір орынға 3 адам үміткер, деп мәлім етті «Халықаралық бағдарламалар орталығы» АҚ президенті Ғани Нығыметов, деп хабарлады ҚазТАГ тілішілері ҚР премьер-министрдің сайтына сілтеме жасай отырып.
Хабарда атап көрсетілгендей, «Болашақ» стипендиясына үміткерлерге қойылатын талаптар биылдан бастап күшейтілді. Конкурс бұрынғыдай жоғары болып отыр. Орта есеппен алғанда бір орынға үш адам үміткер.
«Болашақ» халықаралық стипендиясын дамытудың маңызды міндеті стипендиаттарды іріктеу сапасын арттыру болып табылады. Бағдарламаға қатысушыларды шетелде тиімді оқыту үшін біз олардың базалық дайындық деңгейін арттыруға ұмтыламыз», – деп түсіндірді «Халықаралық бағдарламалар орталығы» АҚ президенті Ғани Нығыметов.
Оның айтуынша, өзгерістер, бәрінен бұрын «Болашақ» бағдарламасына қатысуға үміткерлердің тілдік дайындық деңгейіне қатысты болып отыр.
«2016 жылы үміткерлердің квоталық санаттары стипендия алу үшін IELTS тестін тапсырудағы қажетті балл 4-тен 5-ке арттырылды. Келешекте жыл сайын бұл балл бірте-бірте жоғарылап, әлемнің жетекші ЖОО-дарының талаптарына, кем дегенде IELTS бойынша 6,5 балға жеткізіледі», – деді ол.
Сондай-ақ спикер «өз бетімен түскендерден бөлек барлық үміткерлерге бакалавр дипломының орташа балы GPA қойылатын талаптар 2,67-ден 3 дейін жоғарылады» деп айтып өтті. «Сонымен бірге, конкурсқа қатысу белсенділігі бұрынғыдай жоғары болып отыр. Орта есеппен алғанда бір орынға үш адам, сондықтан бізде таңдау бар», – деп баса айтты Ғ. Нығыметов.
