Ұлт Көшбасшысы Нұрсұлтан Назарбаев «Нұрлы Жол болашаққа бастар жол» атты Қазақстан халқына арнаған Жолдауында «Экономика дамуының жаңа сыртқы қауіптерін ескере отырып, іскерлік белсенділікті және жұмыспен қамтуды ынталандыру үшін жаңа бастамалар керектігін баса айтқан еді. Осыған сәйкес, инфрақұрылымды дамыту жоспарын да жариялағаны белгілі. Ауыл тұрғындарын жұмыспен қамтамасыз ету арқылы ауылдық жерде жеке қосалқы шаруашылық негізінде ұсақ тауарлық өндірісті дамытуды мақсат еткен жоба аясындағы жұмыстармен «Нұр Отан» партиясының хатшысы Зауытбек Тұрысбеков арнайы танысты.
Арыс қаласында орналасқан сиыр фермасы 2014 жылы қолға алынған ірі жобалардың бірі. Сүт өндірісінің екі жыл уақыт ішінде өзіндік жетістікке жетіп отырған жайы бар. Расында Канададан әкелінген голштейн асыл тұқымды сиырларын Оңтүстікке жерсіндіру алғашында оңайға соқпаған. Батыл бастаманы қолға алған, жеке кәсіпкер Әлімжан Ахметов мемлекеттен берілген жәрдемнің арқасында көптеген қиындықтарды еңсергенін жасырмайды. Шаруашылықты дамыту үшін Арыс пен Отырар аудандарынан 6000 гектар жер бөлінген алғашында. Барлығы да дәл осы асылтұқымды сиырлардың жем-шөбін дайындауға мүмкіндік. Күніне сауылатын 500-ден астам сауында қара малдан жиналатын 10 тоннаға жуық өнімді жергілікті Фудмастер компаниясы ағарғандарды дайындау мақсатында алып кетеді. Бір сиырдан алынатын 23 литр сүт техника көмегімен жүзеге асырылады. Немістің жоғары стандартымен жабдықталған қора-қопсы заман талабына сәйкес негізделген. Бас аяғы мыңнан асып жығылатын ірі қара асырайтын шаруашылықта 40 астам қызметкер жұмыспен қамтылған.
Ендігі міндет, шаруашылықтың өрісін кеңейту. Бұл үшін алыстан ат арылтып, мұхиттың арғы жағынан сиырды әкелудің қажеті жоқ. ТМД-дағы бауырлас мемлекет Украинаның мамандары да асылтұқымды сиырларды асырап, өнімін алуда әлемге әйгілі. Сондықтан да, жақыннан жақсыны дорбалап қайтуға негіз бар. Қазақстанның Укринадағы Елшісі болып тұрған тұста, бүгінгі «Нұр Отан» партиясының хатшысы Зауытбек Тұрысбеков тек дипломатиялық қарым-қатынасты нығайтып қана қоймай, экономика мен әлеуметке тиімді тұстарды да саралап отырған. Денсаулық сақтау саласында батыс украиндық мамандар мен Оңтүстік дәрігерлерінің байланысын күшейткен де Зауытбек Қауысбекұлы. Енді шаруашылықтың көзін тапқан жандар үшін, сала үздіктерімен қарым-қатынас жасау, тәжірибе бөлісу мүмкіндігі тұр. Әрине, жергілікті мамандар қолға алған істі дөңгелетіп кетуде арнайы тағлымдамадан өтеді.
«Нұр Отан» партиясының ауыл тұрғындарын жұмыспен қамту бағдарламасы 5 бірдей облысты қамтиды. Оңтүстікте 3 пилоттық жоба бойынша жұмысты жүзеге асыру міндеттеліп отыр. Алғашқысы дәл осы сиыр фермасы болса, Түркістан мен Төлеби, Түлкібаста да бұл бастамаларды қолға алу мақсаты бар. Алдымен, жұмыспен қамтуға негіз болатын жобалар, болашақта балалардың тамақтандыру рационына енетін отандық өнімді шығарудың алғышарты. Демек, әзірге тек шетелден экспортталатын нәрестелердің тұтынатын ұнтақтарын отандық өнімнің орнын басатын күні де алыс емес.
Салтанат Тойболова
