«Арыстағы төтенше жағдай толықтай бақылауға алынды. Алаңдауға еш негіз жоқ. Сондықтан таңертең 66 эвакуациялық орталықтан халықты Арысқа көшіру басталады.
Түркістан облысының аудандарынан 640 азамат бекітіліп, тұрүындарға өз үйлеріне қоныстануға көмектесетін болады. Еліміз бойынша көмекке 160 арнайы бригада келеді», — деді Түркістан облысының әкімі Өмірзақ Шөкеев баспасөз мәслихатында.
Бүгінгі брифингте ҚР Бас санитар-дәрігері Ж. Бекшин де төтенше жағдай орын алған қала аумағының 500 нүктесінен радиациялық сынама алынып, ешқандай қауіптің жоқ екендігіне ресми мәлімдеме жасады.
ҚР Еңбек және халықты әлеуметтік қорғау министрі Бердібек Сапарбаев халықтың әлеуметтік мәселесі назарда екендігін жеткізді.
