Шипажайымен елімізге емес, алыс жақын шетелдерге танылып үлгерген Сарыағаштың экономикалық жағдайы жыл өткен сайын жоғарылап келеді. Ұлт Көшбасшысының сындарлы саясатының шапағатын көріп отырған аграрлы аймақта қолға алынған жоба-жоспарлар көп. Әсіресе, жыл басынан Бес институционалдық реформаның негізгі кезең басталған Ұлт жоспары төңірегінде атқарылып жатқан тірліктер халықтың көз қуанышы болып отыр.
Кәсіби мемлекеттік аппарат құру жаңа кадр саясатының алғышарты. Бұл бағытта конкурстық комиссия ұсынымы бойынша 18 азамат бос лауазымдық орынға жұмысқа қабылданған, тиісінше, тәлімгерлер тағайындалып, жас мемлекеттік қызметшілерге бағыт-бағдар сілтейді. Ал, заңның үстемдігін қамтамасыз етудегі екінші реформа бойынша өңірлік екі басшы тағайындалған жергілікті полиция жұмысына Сақшы сарбаз еріктілер жасағы да үлкен көмегін тигізуде. Аудан аумағында орнатылған 33 бейнебақылау камералары арқылы үстіміздегі жылдың бес айында 3055 әкімшілік құқық бұзушылық анықталған облыс әкімінің тікелей тапсырмасымен қосымша бейнекамералар үшін тағы 64 млн. қаражат қарастырылып отырған көрінеді. Ал, мал ұрлығының ізін суытпай ашудың тиімді жүйесін жасақтап отыр. Екі бірдей қоражай иесінен адасқан төрт түлікті уақытша азықтандырса, қолды болған шаруашылық көзінің де істі тергеу барысында малдың мекеніне айналады. Аумақтық жалпы өнім ішінде негізгі үлесті ауыл шаруашылығы құраса, соңғы 5 жыл көлемінде бұл көрсеткіш 35,4 млрд теңгеге өскен. Саланы 3 кластер бойынша дамыту жолға қойылуда. Жылыжай, инновация, мал шаруашылығында ендіріліп жатқан өзгерістер, өндірістің алға қарай жылжуына серпін бермек. Республика көлемінде жылыжай өндірісінің 50 пайыздан астамын құрап отырған Сарыағаш дихандары енді егін шаруашылығында да тамшылатып суаруы қолға алмақ. Бұл, суармалы жерлердің мүмкіндігін тиімді пайдаланып, су көзін үнемді жұмсауға негіз болады дейді. 300 мыңнна астам халқы бар аграрлы өңірдің проблемасын жіті зерттеп алғашқы қажеттіліктерді саралаған аудан басшысы 154 елді мекеннің әлеуетін дамыту үшін жобалық сметалық құжаттамалар дайындаған. Жарық, су, табиғи отын секілді кезек күттірмейтін мәселелерді орындау үшін қаржының қолбайлау етіп отырғаны болмаса, алдағы уақытта кезең-кезеңімен жүзеге асырылады.
Салтанат Тойболова
