Төлеби ауданы бойынша жалпы өңірлік өнім үстіміздегі жылдың төрт айында 14,9 млрд теңгені құрады. Бұл жан басына шаққанда 807 мың теңгеге жеткен. Табиғатымен келген жұртты тамсандырып, өзіндік ықылас сыйлайтын өлкенің өнеркәсібінің аяқ алысы да алға қарай адымдап келеді. Инвестиция тарту мәселесіндегі ауқымды істер – болашақтың жарқын бағдары болмақ. Әсіресе, Шағын және орта бизнестің дамуы – халықтың әлеуметтік көрсеткішін жақсартып қана қоймай, жұмыссыздықтың алдын алуға бірден бір мүмкіндік. Тағы бір айта кетерлігі, аудандағы халыққа қызмет көрсету орталығының енді өз ғимараты болады.
Үдемелі индустриалды-инновациялық даму жобалары бойынша ауданда 5 жылда 10 жоба іске асырылып, 90-100 пайыз қуаттылықпен жұмыс жасауда. Нәтижесінде жеке қаражаттан тартылған инвестиция соңғы 5 жылдың көлемінде 3 есеге дейін артқан. Күн көзінен қуат алатын электростанцияны салу, шоколадтың 4 түрін шығаратын цехтың құрылысы, «Қызылжар» құс фабрикасының өндірісін кеңейту секілді жұмыстар – инвестицияның негізін құрап отыр. Ауылшраушалығы саласында интенсивті бау егу қолға алынып жатса, ет өндірудің жаңаша технологиясын ендірген цех та іске қосылмақ. Ал, Алатау шаңғы базасының маңынан бой көтеріп жатқан шипажай – туристердің нағыз мекені, келушілердің демалысы мен ем алуын қамтамасыз ететін болады. Ұлт Көшбасшысының 100 қадамы негізінде қолға алынған жобалардың тың серпілісі — аудан экономикасының негізгі көрсеткіші. Тағы бір қуанышты жайт. Талай жылдан бері мектептің қосалқы ғимаратында қоныстанып келген халыққа қызмет көрсету орталығының енді өз ғимараты болады. Жеке кәсіпкердің демеушілігімен он жылға дейін тегін берілгелі отырған нысан мекеме қызметкерлері үшін қолайлы жағдай туғызбақ. Баспана мәселесінде де аудан халқына атап айтар жаңалық бар.
Ауданның әлеуеті мен «Даму» көрсеткішін өзінің бес саусағындай білетін білікті әкімнің қызметі ісі арқылы көрінетіндігі жасырын емес. Төлеби топырағында туып өскен белді азаматтарды туған жерді түлетуге шақырып, шама шарқы келгенше әлеуметтік нысандарды салып беруге негіздеу арқылы көптеген проблеманың жолын кескен. Енді Леңгірдің жабық бассейні де болады. Мұнан өзге 10 елдімекен спорт алаңшаларымен толықты. Бұл ретте Әуелхан Тұрғымбековтің еңсерген еңбегі мен халқымен жүргізіп отырған тығыз жұмысы орасан.
Cалтанат Тойболова
