Кеңес әскерінің Ауған жерінен шығарылғанына 30 жыл толды. Иә, осыдан дәл отыз жыл бұрын Отан алдындағы борышын өтеуге аттанған Қазақстандық сарбаздар Ауғанстан жеріндегі қан майданға аттанды. Жастары небәрі 18 бен 20 жас аралығындағы жас сарбаздар ол кезде өздерінің соғыс ортасына түскенінде білмеген. Тек ұшақтардың апаты мен жойқын жарылыстарды көрген де ғана өздерінің нағыз соғыс ішінде жүргенін сезген. Бүгінгі таңда майданнан аман-есен келген азаматтар ел ағасы болып, зор құрметке ие болуда. Солардың бірі, ПетроҚазақстан компаниясы өз ұжымындағы Ауған соғысына қатысқан 14 қызметкерге үлкен сый көрсетіп, төсбелгілермен марапаттады. Іс-шара ең алдымен Абай саябағындағы Ауған соғысы ардагерлеріне арналған ескерткішке гүл шоқтарын қоюдан бастау алды. Ескерткішке қараған ардагерлер соғыстағы оқиғалар мен ауыр естеліктерді естеріне алды. 
Ауған оты жалмаған Отандастарымызды еске алу олардың руxтарына құран бағыштаумен жалғасты. Сондай-ақ, соғыс ардагерлері Кеңес одағының Ауған жерінен шыққандарына 30 жыл толуына байланысты арнайы төсбелгілермен марапатталды. «ПетроҚазақстан Ойл Продактс» ЖШС компаниясындағы ардагерлерге табысталған медальдарды Шымкент қаласы қорғаныс істері басқармасының атынан ұсынылды. Сонымен қатар, Шымкент қаласының әкімі Ғабидолла Әбдіраxымовтың атынан да арнайы алғыс xаттар берілді. 
Ауған соғысы — КСРО Қарулы күштерінің Ауғанстанға басып кіріп, оның ішкі істеріне қол сұғуы салдарынан тұтанған соғыс. Бұл оқиға Қазақстан жеріне де ауыр тиді. Себебі, елімізден соғыс майданына 23 000 сарбаз аттанып, өз ерлігін көрсетті.
«Айғақ-ақпарат».
