Ағымдағы жылдың 23 мамыр күні Сайрам АІІБ кезекші бөліміне жергілікті тұрғынның бірі көкнәр және сора есірткілік өсімдіктерін баптап өсірумен айналысатыны туралы хабар түскен. Аудандық тәртіп сақшылары 1950 ж.т. жергілікті тұрғынның ауласынан құрамында есірткілік заты бар өсімдіктердің түптерін тапқан. Айғақты зат ретінде полицейлер 538 көкнәр түбі мен сора тәркілеген.
Сот-криминалдық сараптамасына сай, тәркіленген заттар «көкнәр» және «сора» есірткілік өсімдіктері екені анықталды, жалпы салмағы 60 кг асады. Аталған жайт бойынша ҚР ҚК 300-бабымен «Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру» қылмыстық іс қозғалды. Сотқа дейінгі тергеу амалдары жүргізілуде. Қазіргі таңда полицейлер азаматтың қандай мақсатта ірі көлемдегі есірткілік затын өсіргенін анықтауда. Сондай-ақ, осыған ұқсас қылмысты Отырар АІІБ тәртіп сақшылары ашқан. Жергілікті тұрғынның үйінен 1700 сора мен көкнәр түбін тәркілеген. 2016 жылдың 10 мамыр күні Отырар АІІБ полицейлері жедел іздестіру шарасы барысында, 1935 ж.т. жергілікті тұрғынның үйінен есірткілік құрамы бар 600 өсімдік түбін тапқан. Сот-криминалдық сараптамасына сай, тәркіленген заттар есірткі құрамы бар «көкнәр» екені анықталды.
Дәл сол күні өзге 1967 ж.т. Отырар ауданы тұрғынының үйінен заңсыз бапталған сора түптерін тапқан. Полицейлер 49 жастағы күдіктіден 1103 есірткі өсімдігінің түбін тәркілеген. Сот-криминалдық сараптамасына сай, тәркіленген заттар есірткі құрамы бар «сора» екені анықталды. Аталған жайт бойынша ҚР ҚК 300-бабымен «Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру» қылмыстық іс қозғалды. Сотқа дейінгі тергеу амалдары жүргізілуде.
ОҚО ІІД Баспасөз қызметі
