Түркістан облысында тұңғыш рет «Салауатты тамақтану мәселелері, ұлт саулығының тетігі» тақырыбындағы Халықаралық ғылыми-тәжірибелік конференция өтті.
Түркістанда Түркістан облысының денсаулық сақтау басқармасы басшылығы мен облыстық салауатты өмір салтын қалыптастыру орталығының ұйымдастыруымен «Салауатты тамақтану мәселелері, ұлт денсаулығының тетігі» тақырыбында тұңғыш Халықаралық ғылыми-практикалық конференция өтті. Маңызды шараға (Чехия) Прага қаласының Халықаралық білім беру институтының директоры, профессор Марина Канушина және Қазақ Тағамтану академиясының ғалымы Майгүл Қайнарбаева арнайы шақырылды. Халықаралық конференцияға өңірдің бастық медицина мекемелерінің басшылары мен денсаулық сақтау саласының өкілдері қатысты. Шара барысында оңтүстік өңірінде салауатты өмір салты қағидаларын насихаттайтын «Денсаулық Елшілері» тағайындалды. Сонымен қатар қатысушылар «Пайдалы өнімдер» көрмесінің жұмысымен танысты.
— Салауатты өмір салтын дәріптеуге атсалысу әркімнің өз қолында. Біз бұл мәселеге аса назар аударуымыз қажет. Өңірімізде аурухана, емхана саны артқанымен, бұл аурудың азаюына алып келмейді. Сондықтан ұлт саулылының тетігі — салауатты өмір салтын ұстануды мақсат тұтуға міндеттіміз, деді жиын барысында Түркістан облыстық денсаулық сақтау басқармасының басшысы Мұқан Егізбаев.
Жиында облысымызда тұңғыш рет “Денсаулық Елшісі” атағы берілді. Жаңа титул иелері халықтың салауатты өмірге бет бұруына бағыттайтын іс — шараларға үлес қосып жаңа серпіліс бермек.
“Денсаулық Елшісі” атағы таэквандодан ҚР халықаралық дәрежедегі спорт шебері, 2018 жылы Джакартада өткен Жазғы Азия ойындарының қола жүлдегері, Әлем Кубогінің қола жүлдегері Нұрлан Сайлаубайұлы, облыстық мәслихаттың депутаты Мұрат Шерімұлы, “Бізбен бірге!” еріктілер мектебінің төрайымы Жасмин Асқарқызы және Облыстық клиникалық аурухананың хирургиялық көмек жөніндегі орынбасары Жанболат Бердібайұлына берілді.
Еліміздің Президенті-Елбасы Н.Ә.Назарбаев Қазақстан халқына арнаған Жолдауында «Қазақстан 2050-мемлекеттің жаңа саяси бағыты» атты мемлекет дамуы Стратегиясының «Ұлт саулығы-біздің табысты болашағымыздың негізі» бөлігінде «Салауатты өмір салты-ұлт денсаулығының кепілі» деп атап айтқан болатын.
Бүкіл әлемде мынадай үрдістер байқалады: құрамында майдың мөлшері жоғары өнімдерді тұтынудың өсуі; аз қимылдау қызмет түрлерінің басымдылығына байланысты физикалық белсенділіктің төмендеуі, қозғалыс, жүріп-тұру режимдеріндегі өзгерістер және урбанизацияның артуы.
Еліміздің денсаулық сақтау саласын дамытудың 2016-2019 жылдарға арналған «Денсаулық» мемлекеттік бағдарламасында белгіленгендей халықаралық стандарттарға сай түрлі мемлекеттік және қоғамдық институттардың сектораралық өзара әрекеттестігі жұқпалы және жұқпалы емес аурулардың тәуекел факторларын төмендетуге бағытталған сонымен қатар дұрыс үйлесімді тамақтану бойынша да кешенді шаралар жүргізу.
Инфекциялық емес ауруларға арналған жетекші тәуекел факторларына артық салмақ (дене салмағы 25 кг/м2 артық), қанық және транс-майларды, қант пен тұзды сондай-ақ көкөністер мен жемістерді тұтынудың жеткіліксіздігі болып табылады.
Балалық шақтағы семіздік ересектер арасындағы семіздікке қатысты маңызды болжамды фактор ретінде және көп жағдайда жүрек-қан тамырлары ауруларының, диабеттің, ортопедиялық мәселелердің және психикалық бұзылулардың дамуының қауіп факторы болып табылады.
Республика халқының дұрыс тамақтану туралы хабардарлығының төмендігі өз кезегінде, азық-түлік ассортименті режимі тапшылығының дамуына ықпал етеді. Күнделікті тұтұнуға әр түрлі дәнді дақылдар, көкөністер мен жемістерді, ет, сүт және балық өнімдерін, бұршақты пайдалануды ұсынған жөн. Бұл жағдайда тазартылмаған, яғни қабығы сақталған, дәнді дақылдар өнімдеріне, сондай-ақ майсыз ет пен сүт өнімдеріне басымдылық беріледі.
