Бүгін Түркістан облыстық Қазақстан халқы Ассамблеясы кеңесінің алғашқы отырысы өтті. Келелі жиынға Түркістан облыстық мәслихат депутаттары, облыстық басқармалардың басшылары, құқық қорғау органдарының өкілдері, облыстық этномәдени бірлестіктер мен діни конфессиялардың жетекшілері және БАҚ өкілдері қатысты.
Ел ағалары бас қосқан алқалы жиында Түркістан облысы әкімінің жаңадан тағайындалған орынбасары Мәлік Отарбаев төрағалық етті. 
Кеңес отырысында Түркістан облыстық Ассамблея жанындағы құрылымдардың жаңа құрамы бекітіліп, қолға алынатын ауқымды бастамаларды іске асыру мәселелері талқыланды.
Күн тәртібіндегі негізгі мәселе Түркістан олблыстық Ассамблея жанындағы Қоғамдық құрылымдардың жетекшілерін тағайындау болатын.
Түркістан облыстық Ассамблея төрағасының қоғамдық негіздегі орынбасарлығына облыстық өзбек этномәдени бірлестігінің төрағасы Бадриддин Нишанкулов пен этномәдени бірлестігінің төрағасы Нұрысбек капар-Пур;
Қоғамдық келісім кеңесінің төрағалығына мемлекет және қоғам қайраткері Пралиев Серік Жайлауұлы;
Аналар кеңеіснің төрайымына Дүйсенкүл Жамболова;
Ғылыми-сарапшылық топтың жетекшілігіне облыс әкімінің кеңесшісі, тарих ғылымдарының докторы, профессор Саттар Мәжитов;
Журналистер мен блогерлер клубының жетекшілігіне «Жанубий Қозоғистон» газетінің директоры, бас редакторы Алишер Сатыбалдиев;
«Жаңғыру жолы» республикалық жастар қозғалысы өңірлік штабының жетекшілігіне Еркебұлан Нарбаев;
Медиация кеңесінің жетекшілігіне «Қоғамдық келісім» мекемесінің сарапшысы Нұржан Мейрманов Бауыржанұлы тағайындалды.
Күн тәртібіндегі негізгі мәселелер бойынша Түркістан облыстық өзбек этномәдени бірлсетік төрағасының орынбасары Гули-Рано Расулова, облыстық славян этномәдени бірлестігінің төрайымы Марина Лимаренко және облыстық иран этномәдени бірлестігінің төрағасы Нұрысбек Капар-Пур баяндама жасады.
Кеңес отырысын қорытындылаған Түркістан облысы әкімінің орынбасары Мәлік Отарбаев Елбасымыздың Қазақстан халқы Ассамблеясының ХХVI сессиясында берген тапсырмалары Түркістан облысында сапалы орындалуы қажеттігін атап өтті. Сонымен қатар, Елбасының «Ұлы Даланың жеті қыры» атты бағдарламалық мақаласының орындау бойынша этнос өкілдерін қатыстыра отырып, кешенді шаралар жоспарын жасауға тапсырма берді.
«Айғақ-ақпарат».
