Түлкібас ауданы таяуда 90 жылдығын тойлады. Осы мерекені ұйымдастыру барысында Түлкібас ауданының әкімі Н.Тұрашбеков Түлкібас ауданын Түркібасы деп қайта атау туралы ұсыныс хатын Түркістан облысының әкімі Ж.Түймебаевқа жолдаған болатын.
Облыс әкімі аудан әкімі Н.Тұрашбековтың хатының негізінде Қазақстан Республикасы Үкіметіне Түлкібас ауданының атауы өзгерту туралы тиісті ұсыныс енгізді.
Қазақстан Республикасы Үкіметі облыс әкімінің ұсынысы бойынша Үкімет қаулысының жобасы дайындалды.
Аталған Қаулы Қазақстан Республикасы нормативтік құқықтық актілерінің ақпараттық-құқықтық жүйесінде жарияланған.
Атап айтқанда:
«Түркістан облысының Түлкібас ауданын қайта атау туралы» Қазақстан Республикасының Президенті Жарлығының жобасы туралы
Қазақстан Республикасы Үкіметінің 2018 жылғы 20 қарашадағы № 782 қаулысы.
Қазақстан Республикасының Үкіметі ҚАУЛЫ ЕТЕДІ:
«Түркістан облысының Түлкібас ауданын қайта атау туралы» Қазақстан Республикасының Президенті Жарлығының жобасы Қазақстан Республикасы Президентінің қарауына енгізілсін.
Қазақстан Республикасының
Премьер-Министрі Б.Сағынтаев.
«Түркістан облысының Түлкібас ауданын қайта атау туралы»
«Қазақстан Республикасының әкімшілік-аумақтық құрылысы туралы» 1993 жылғы 8 желтоқсандағы Қазақстан Республикасы Заңының 9-бабына сәйкес ҚАУЛЫ ЕТЕМІН:
1. Түркістан облысының Түлкібас ауданы Түркібасы ауданы болып қайта аталсын.
2. Осы Жарлық алғашқы ресми жарияланған күнінен бастап қолданысқа енгізіледі.
Қазақстан республикасының Президенті Н.Назарбаев.
«Айғақ-ақпарат».
