Шымкент қалалық мәслихаттың кезектен тыс 41-ші сессиясының күн тәртібінде алты мәселе қаралды. Алғашқы мәселе жөнінде Шымкент қаласының әкімі Ғабидолла Әбдірахымов мінбереге шығып, баяндама жасады. 
Ғабидолла Рахматоллаұлының мәлімдеуінше, Шымкент қаласына қосымша сегіз басқарма қосылған. Барлығы жиырма үш басқарма жұмыс жасауда. Сондай-ақ, қаланы 100 пайыз электрмен қамтамасыз етсе, 92 пайыз көгілдір отынмен қамтылған. Тұрғындарды 100 пайыз газбен қамту үшін, үш бірдей жоба жүзеге асырылуда. Қазіргі уақытта Шымкент қаласында жұмыссыздар саны азаюда екен. Жұмыссыз ерексектер саны 5,1 пайызды құраса, жастардың көрсеткіші 3,1 пайызды көрсетіп отыр. Бұдан бөлек Түркістан облысы мен Шымкент қаласы арасында нысандарды бөлу балансы жасалып, 99 нысан қаланың коммуналық меншігіне өтті.
Сессияда қаралған келесі мәселелер «2018-2020 жылғы Шымкент қаласына бөлінген бюджет» және 2018-2020 жылдарға арналған «Даму» бағдарламасы. Бұл туралы Шымкент қаласы әкімінің орынбасары Құрманбекова Гүлжан да өз баяндамасын жасады. 
«Даму» қорының Қазақстанда шағын және орта бизнеске қолдау көрсетуде 20 жылдық тәжірибесі бар. Осыны негізге ала отырып, Шымкент қаласының әкімдігі бизнес бастаушы кәсіпкерлерге несие беруді қолға алған.
Сессияда қаралған мәселелелерді тыңдаған халық қалаулылары ұсыныстарға бірауыздан қолдау білдірді. Сонымен қатар, тұрақты комиссия мүшелерін ауыстыру жөніндегі ұсыныстар да мақұлданды. Шымкент қаласының мәртебесін өсіруді мақсат тұтқан депутаттар, мәжілістегі мәселелердің түйінін шешіп, тарқасты.
Тоғжан Нарбай.
