Шымкентте партиялықтар Паралимпиалық ойындарының қатысушыларымен кездесті

«Нұр Отан» партиясы Шымкент қалалық филиалы басшылығы қалалық жоғары спорт мектебінде болып, ІІІ Паралимпиалық Азия ойындарының қатысушыларымен кездесті.
2018 жылдың 6-13 қазан аралығында Индонезияның астанасы Джакарта қаласында өткен 3-ші Паралимпиалық Азия ойындарында 43 мемлекеттен 3000 астам мүмкіндігі шектеуілі спортшылар қатысқан. Шымкент қаласынан 6 спортшы қатысып, 2 спортшымыз жүлделі орындарынан көрінді.
Ибрашев Мансурбек суға жүзуден 100 м арқа-2 орын, 100 м еркін-3 орын иеленген, Дубинина Алина 100 м еркін суға жүзүден 3 орын алған. Шымкентте мүмкіндігі шектеуілі спортшылар №19 мүгедектерге арналған спорт клубында жаттығады. Онда спорттың 9 түрінен 23 жаттықтырушы 354 спортшымен жұмыс жасауда.
Қалалық жоғары спорт мектебінде жаттығу залында паралимпиялық ойындардың қатысушылары спорттық дағдыларын дамытып, шеберлігін шындайды. Партиялықтар Паралимпиадашылармен еркін әңгіме жүргізіп, спортшылардың жетістіктері ғана емес, олардың күнделікті өміріндегі проблемалары да талқыланды.
Күміс медаль иегері Мансұрбек Ибрашев көп жаттығу жасап, тынбай еңбектеніп, бар күшін салғанын, соның арқасында бұл жетістікке жеткенін айтады.
— ІІІ Паралимпиалық Азия ойындарында менің негізгі қарсыластарым жапониялық спортшылар болды. Олар өте мықты және жақсы дайындалған болатын. Тек тренерімнің және жерлестерімнің қолдауының арқасында мен екі жүлделі орынға ие болдым. Енді 2020 жылы Токио қаласында өтетін ойындарда алтын медаль алуға бар күш-жінерімді саламын, — деді Мансұрбек.
«Нұр Отан» партиясы Шымкент қалалық филиалы төрағасының бірінші орынбасары Бахадыр Нарымбетов жерлестерін жеңісімен құттықтап, қала жұртшылығының атынан алғыс айтты.
— Мықты ұлт дегеніміз — мемлекеттік дамуы мен өркендеуіне үлес қосуға дайын тұратын азаматтар. Тәрбие мықты болса, барлық жерден мықтылар шығады. Бастысы тәрбие дұрыс, рух жағынан мықты болу керек. Сіздер осындай қайсар, рухани күшті азаматтарсыздар. Сіздер
басқаларға үлгісіз басқаларға үлгісіздер, — деген төраға орынбасары спортшылардың жеңісіне үлес қосқан, халық арасында саламатты өмір салтын насихаттап, еліміздің патриоттарын тәрбиелеп отырған жаттықтырушылар мен жақындарына ризашылығын білдірді.
Кездесу соңында Паралимпиалық Азия ойындарында жүлдегерлері Мансурбек Ибрашев және Алина Дубининаға партия атынан алғыс хаттар және бағалы сыйлықтар тапсырылды.