2018 жыл Бәйдібек ауданының тарихында елеулі жыл есебінде қалмақ. Өйткені ауданның құрылғанына биыл 90 жыл. Қаратаудың бауырында орналасқан киелі Бәйдібек ауданы мерейтойын қарашаның бірі күні тойлауда.
Дамудың даңғыл жолына түскен ауданның торқалы тойына Түркістан облысының әкімі Ж.Түймебаев және осы өңірден түлеп ұшқан түлектер, елге белгілі азаматтар арнайы келген. Іс-шара Бәйдібек Қарашаұлының ескерткішіне гүл қою рәсімімен ашылды.
Мұнан соң Ж.Түймебаев Шаян ауылындағы жабық теннис корты мен жабық жүзу басейннінің ашылу салтанатына қатысты. Аталған нысанның құрылысына шетел инвесторлары тартылған. Ал жабық теннис алаңының құрылысына 142 510 000 теңге шетелдік компанияның қаржысы құйылған.
Жалпы Шаян ауылына шетелдік инвесторлардың есебінен құны 1,3 миллиард теңгеге нысан құрылыстары жүргізіліпті. Мереке күні лентасы қиылған бірқатар нысандардың ашылу салтанатынан соң, белгілі азаматтардың бас қосуымен «Шежірелі Шаян, Берекелі Бәйдібек» атты форум өтті.
Онда Ж.Түймебаев ауданның әлеуетін көтеріп жүрген азаматтарды алығыс хаттармен марапаттады. Торқалы той өнер жұлдыздарының кешкі гала концерті және от шашумен аяқталады деп жоспарлануда!.
